ആഹ്ലാദത്തിനിടെ അജ്ഞാതവാതക പ്രയോഗം; പ്രവർത്തകർക്ക് ദേഹാസ്വാസ്ഥ്യം

തിരൂരങ്ങാടി: വോട്ടെണ്ണലിനിടെയുള്ള ആഹ്ലാദങ്ങൾക്കിടയിലുണ്ടായ അജ്ഞാതവാതക പ്രയോഗത്തിൽ പ്രവർത്തകർക്ക് ദേഹാസ്വാസ്ഥ്യം. ആരോ പ്രയോഗിച്ച വാതകമാണ് റോഡിൽ തടിച്ചുകൂടിയവർക്കിടയിൽ ചിലർക്ക് ശ്വാസതടസ്സവും കണ്ണുകളിൽ എരിവും ഉണ്ടാക്കിയത്. എണ്ണൽ പകുതിയായതോടെ മുദ്രാവാക്യവും ആർപ്പുവിളിയുമൊക്കെയായി ഫലം കാത്തിരിക്കുന്നതിനിടെ പത്തുമണിയോടെയാണ് സംഭവം. ആരാണ് വാതകം പ്രയോഗിച്ചതെന്നോ ഉപയോഗിച്ച വസ്തുവിനെക്കുറിച്ചോ വ്യക്തമല്ല.