ഗാന്ധിജയന്തി

കാളികാവ്: പുല്ലങ്കോട് ഗവ. ഹൈസ്കൂളില്‍ യൂത്ത് ഫൗണ്ടേഷ​െൻറ നേതൃത്വത്തിൽ ദിനാചരണവും ശുചിത്വ വാരാചരണ പദ്ധതി ഉദ്ഘാടനവും പി.ടി.എ പ്രസിഡൻറും ചോക്കാട് പഞ്ചായത്ത് മെംബറുമായ മുപ്ര ഷറഫുദ്ദീന്‍ നിർവഹിച്ചു. ഗാന്ധി യൂത്ത് ഫൗണ്ടേഷന്‍ പ്രസിഡൻറ് ഷാജില്‍ ചെറുപാണക്കാടന്‍, പരിസ്ഥിതി പ്രവര്‍ത്തകനായ നാസര്‍ കിഴക്കേത്തില്‍, സ്‌കൂള്‍ എച്ച്.എം പയസ് ജോർജ്, പി.ടി.എ വൈസ് പ്രസിഡൻറ് വി.കെ. ഉണ്ണികൃഷ്ണന്‍, അസീസ്, ബെന്നി മാസ്റ്റർ, മുരളീധരന്‍ മാസ്റ്റര്‍ എന്നിവര്‍ സംസാരിച്ചു. സ്‌കൂള്‍ പരിസരത്ത് തണല്‍ മരങ്ങളും ഫലവൃക്ഷ തൈകളും നട്ടു. സ്‌കൂള്‍ പരിസരം മാലിന്യ മുക്തമാക്കല്‍, ക്ലീന്‍ സ്‌കൂള്‍ പദ്ധതി എന്നിവക്ക് തുടക്കമായി. പാസ്റ്റിക് രഹിത സ്‌കൂള്‍ പദ്ധതിയും ഗാന്ധി യൂത്ത് ഫൗണ്ടേഷന്‍ നേതൃത്വത്തില്‍ ഒരു വര്‍ഷത്തെ പദ്ധതിക്കും തുടക്കം കുറിച്ചു.