മാലാപറമ്പിൽ കാറുകൾ കൂട്ടിയിടിച്ച് അഞ്ചുപേർക്ക് പരിക്ക് പുലാമന്തോൾ:

പുലാമന്തോൾ: പെരിന്തൽമണ്ണ-വളാഞ്ചേരി റൂട്ടിൽ കുരിശുപള്ളിക്ക് സമീപം കാറുകൾ കൂട്ടിയിടിച്ച് അഞ്ചുപേർക്ക് പരിക്കേറ്റു. അരിപ്ര മാടായിക്കുന്നിൽ വിഷ്ണുദാസ് (27), അങ്ങാടിപ്പുറം ഓരാടംപാലം വീതാനശ്ശേരി ഷിബു (26), വലമ്പൂർ പുലിമല ഷിനു (26), ഇടുകൊടിയൻ അബ്ദുസ്സലാം (53), വളാഞ്ചേരി ജമൽ മൻസിലിൽ റിസ്വാൻ (18) എന്നിവർക്കാണ് പരിക്കേറ്റത്. തിങ്കളാഴ്ച രാവിലെയായിരുന്നു സംഭവം. വളാഞ്ചേരി ഭാഗത്തുനിന്ന് പെരിന്തൽമണ്ണ ഭാഗത്തേക്ക് വരുകയായിരുന്ന കാറുകൾ മാലാപറമ്പിലെ കുരിശുപള്ളിക്കടുത്ത വളവിൽ കൂട്ടിയിടിക്കുകയായിരുന്നു. പരിക്കേറ്റവരെ മാലാപറമ്പിലെ സ്വകാര്യ ആശുപത്രിയിൽ പ്രവേശിപ്പിച്ചു. മാലാപറമ്പ് കുരിശുപള്ളിക്ക് മുന്നിൽ കാറുകൾ കൂട്ടിയിടിച്ചുണ്ടായ അപകടം