അക്ഷരോത്സവം: ഏറനാട് താലൂക്കിന് ഓവറോൾ

വേങ്ങര: ജില്ല ലൈബ്രറി കൗൺസിൽ സംഘടിപ്പിച്ച അക്ഷരോത്സവം-2017ൽ ഏറനാട് താലൂക്ക് ഓവറോൾ കരസ്ഥമാക്കി. രണ്ടാം സ്ഥാനം നിലമ്പൂരും മൂന്നാം സ്ഥാനം പെരിന്തൽമണ്ണയും നേടി. വേങ്ങര ഗവ. വൊക്കേഷനൽ ഹയർ സെക്കൻഡറിയിൽ നടന്ന മത്സരത്തിൽ 650ലധികം മത്സരാർഥികൾ പങ്കെടുത്തു. സമാപന സമ്മേളനത്തിൽ സംസ്ഥാന കൗൺസിൽ അംഗം കെ. മുഹമ്മദലി സമ്മാനദാനം നിർവഹിച്ചു. പി.ടി. മൊയ്തീൻ കുട്ടി അധ്യക്ഷത വഹിച്ചു. കെ. ഗിരീഷ് കുമാർ, കെ. പ്രതാപചന്ദ്രൻ എന്നിവർ സംസാരിച്ചു.