അമൃത എക്സ്​പ്രസ്: റെയിൽവേ ജനറൽ മാനേജർക്ക്​ എം.പിയുടെ കത്ത്​

പാലക്കാട്: അമൃത എക്സ്പ്രസ് മധുരയിലേക്ക് നീട്ടുന്നതോടെ യാത്രക്കാർ നേരിടുന്ന അസൗകര്യങ്ങൾക്ക് പരിഹാരം കാണണമെന്ന് എം.ബി. രാജേഷ് എം.പി ആവശ്യപ്പെട്ടു. ഇക്കാര്യം ഉന്നയിച്ച് സതേൺ റെയിൽവേ ജനറൽ മാനേജർ സുധാംശു മണിക്ക് അദ്ദേഹം കത്തയച്ചു. അമൃത എക്സ്പ്രസ് മധുരയിലേക്ക് നീട്ടുന്നതോടെ ടിക്കറ്റ് റിസർവേഷനുള്ള സമയത്തിൽ ഉണ്ടായിട്ടുള്ള കുറവ് ഏറെ പ്രയാസമുണ്ടാക്കും. നേരത്തേ വൈകീട്ട് അഞ്ചുവരെ റിസർവേഷൻ ലഭ്യമായിരുന്ന സ്ഥാനത്ത് ഇപ്പോൾ അത് രാവിലെ 11.30 മണി വരെ മാത്രമായിരിക്കുകയാണ്. ഇത് പരിഹരിക്കുന്നതിനായി പാലക്കാട് നിന്നുകൂടി റിസർവേഷൻ ചാർട്ട് തയാറാക്കാനുള്ള നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു. മധുരയിൽ നിന്നും പുറപ്പെടുന്നതോടെ യാത്രക്കാരുടെ എണ്ണം വർധിക്കുമെന്നതിനാൽ അധികമായി സ്ലീപ്പർ ബർത്തുകളും തേർഡ് എ.സി കോച്ചും അമൃത എക്സ്പ്രസിന് അനുവദിക്കണം. അനുശോചിച്ചു ആലത്തൂർ: ആലത്തൂരിലെ ജ്വല്ലറി വ്യാപാരികളായ ചാക്കോ ജേക്കബ്ബ്, അരി, മുട്ട വ്യാപാരിയായ അബ്ദുൽ റഹ്മാൻ എന്ന കുഞ്ഞുമോൻ എന്നിവരുടെ നിര്യാണത്തിൽ വ്യാപാരി വ്യവസായി ഏകോപന സമിതി ആലത്തൂർ യൂനിറ്റ് കമ്മിറ്റി യോഗം അനുശോചിച്ചു. പ്രസിഡൻറ് മുസ്തഫ ബി. ആലത്തൂർ അധ്യക്ഷത വഹിച്ചു. ജനറൽ സെക്രട്ടറി ഹബീബ് റഹ്മാൻ, രഘു, നൗഷാദ്, ദീപു ചന്ദ്, ഹുസൈൻ എന്നിവർ സംസാരിച്ചു.