വയോധികയുടെ മൃതദേഹം തെരുവുനായ്ക്കള്‍ ഭക്ഷിച്ച സംഭവം: പോസ്റ്റുമോര്‍ട്ടം റിപ്പോര്‍ട്ട് വൈകും

ചങ്ങരംകുളം: കാണാതായ വയോധികയുടെ മൃതദേഹം തെരുവുനായ്ക്കള്‍ കടിച്ച സംഭവത്തില്‍ പോസ്റ്റുമോര്‍ട്ടം റിപ്പോര്‍ട്ട് വൈകാന്‍ സാധ്യത. പന്താവൂര്‍ മേലേപുരക്കല്‍ ജാനകിയെയാണ് (75) അഞ്ച് ദിവസങ്ങള്‍ക്ക് ശേഷം ശരീരഭാഗങ്ങള്‍ തെരുവുനായ്ക്കള്‍ ഭക്ഷിച്ച നിലയില്‍ കണ്ടത്തെിയത്. മരണകാരണം പോസ്റ്റുമോര്‍ട്ടം റിപ്പോര്‍ട്ട് കിട്ടിയാല്‍ മാത്രമെ വ്യക്തമാവൂ എന്നാണ് പൊലീസ് പറയുന്നത്. പ്രാഥമിക അന്വേഷണത്തില്‍ ദുരൂഹതയില്ളെന്നും വയലില്‍ മരിച്ച് കിടന്ന ജാനകിയുടെ മൃതദേഹം തെരുവുനായ്ക്കള്‍ കടിച്ച് വലിച്ച് കൊണ്ടുപോയി ഭക്ഷണമാക്കിയതാവാമെന്നുമാണ് നിഗമനം. നായ്ക്കളുടെ അക്രമത്തില്‍ മരിച്ചെന്ന പ്രചാരണം തെറ്റാണെന്ന നിഗമനത്തിലാണ് പൊലീസ്. ജാനകിയുടെ ശരീരത്തിലുണ്ടായിരുന്ന ആഭരണങ്ങള്‍ മൃതദേഹത്തില്‍നിന്ന് തന്നെ കണ്ടത്തെിയതിനാല്‍ മറ്റു ദുരൂഹതക്ക് വക നല്‍കുന്നില്ല. കൈയിലുണ്ടായിരുന്ന മോതിരം കൈകള്‍ നായ്ക്കള്‍ ഭക്ഷണമാക്കിയപ്പോള്‍ നഷ്ടപ്പെട്ടതാവാമെന്നും വയലില്‍ പരിശോധന നടത്തിയാല്‍ ഇത് ലഭിക്കാനുള്ള സാധ്യതയുണ്ടെന്നും ചങ്ങരംകുളം എസ്.ഐ കെ.പി. മനേഷ് പറഞ്ഞു. മൃതദേഹം അഴുകിയ നിലയിലും ശരീര ഭാഗങ്ങള്‍ നഷ്ടപ്പെട്ട നിലയിലും ആയിരുന്നതിനാല്‍ പൂര്‍ണമായ പോസ്റ്റുമോര്‍ട്ടം റിപ്പോര്‍ട്ട് ലഭിച്ചാല്‍ മാത്രമെ മരണകാരണം വ്യക്തമാവൂ എന്നും അദ്ദേഹം പറഞ്ഞു. ഫെബ്രുവരി 24ന് വൈകീട്ട് ആലങ്കോട് ചേന്നാത്ത് ക്ഷേത്രത്തിലെ ശിവരാത്രി ഉത്സവത്തിന് വീട്ടില്‍നിന്ന് പോയ ജാനകിക്ക് പറയത്തക്ക ആരോഗ്യ പ്രശ്നങ്ങള്‍ ഉണ്ടായിരുന്നില്ല. ഏറെ വൈകിയും വീട്ടിലത്തൊത്തതിനെ തുടര്‍ന്ന് നാട്ടുകാര്‍ തിരച്ചില്‍ നടത്തുകയും ചങ്ങരംകുളം പൊലീസിന് പരാതി നല്‍കുകയും ചെയ്തിരുന്നു. അഞ്ച് ദിവസങ്ങള്‍ക്ക് ശേഷം മാര്‍ച്ച് ഒന്നിന് രാവിലെ വീടിനോട് ചേര്‍ന്ന് വയലില്‍ അഴുകി ശരീര ഭാഗങ്ങള്‍ നഷ്ടപ്പെട്ട നിലയില്‍ നാട്ടുകാര്‍ മൃതദേഹം കണ്ടത്തെുകയായിരുന്നു.