24 ലക്ഷത്തി​െൻറ കുഴൽപ്പണവുമായി യുവാവ്​ പിടിയിൽ

താനൂർ: 24 ലക്ഷം രൂപയുടെ കുഴൽപ്പണവുമായി യുവാവ് പിടിയിൽ. മൂന്നിയൂർ ആലിൻചുവട് സ്വദേശി വാക്കത്തൊടിക സെയ്തലവിയാണ് താനൂർ റെയിൽവേ സ്റ്റേഷനിൽ പൊലീസി​െൻറ പിടിയിലായത്. താനൂർ സി.ഐ സി. അലവിക്ക് ലഭിച്ച രഹസ്യ വിവരത്തെ തുടർന്ന് വെള്ളിയാഴ്ച പുലർച്ച നാലോടെയാണ് പ്രതിയെ വലയിലാക്കിയത്. 2,000 രൂപയുടെ 12 കെട്ടുകളായാണ് പണം സൂക്ഷിച്ചിരുന്നത്. സിവിൽ പൊലീസ് ഓഫിസർമാരായ സലേഷ്, രതീഷ്, ആൽബിൻ, നിഷാദ് തുടങ്ങിയവരും അന്വേഷണ സംഘത്തിലുണ്ടായിരുന്നു. ഒരു മാസം മുമ്പ് താനൂർ റെയിൽവേ സ്റ്റേഷനിൽനിന്ന് 75 ലക്ഷം രൂപയുടെ കുഴൽപ്പണം പിടികൂടിയിരുന്നു.