എസ്.കെ.എസ്.എസ്.എഫ് മനുഷ്യജാലികയില്‍ ആയിരങ്ങള്‍ കൈകോര്‍ത്തു

അരീക്കോട്: രാഷ്ട്ര രക്ഷക്ക് സൗഹൃദത്തിന്‍െറ കരുതല്‍ എന്ന പ്രമേയത്തില്‍ എസ്.കെ.എസ്.എസ്.എഫ് ഈസ്റ്റ് ജില്ല സംഘടിപ്പിച്ച മനുഷ്യജാലികയില്‍ ആയിരക്കണക്കിന് പേര്‍ അണിനിരന്നു. ഹാഷിറലി ശിഹാബ് തങ്ങളുടെ നേതൃത്വത്തില്‍ നടന്ന പ്രാര്‍ഥനക്ക് ശേഷം പുത്തലം മിനി സ്റ്റേഡിയത്തില്‍ നിന്നാരംഭിച്ച റാലി അരീക്കോട് അങ്ങാടി ചുറ്റി വാഴക്കാട് റോഡ് അങ്ങാടിയിലെ മൈതാനിയില്‍ സമാപിച്ചു. ജില്ല ജനറല്‍ സെക്രട്ടറി ശഹീര്‍ അന്‍വരി പ്രതിജ്ഞ ചൊല്ലി. മുഹമ്മദ് കോയ തങ്ങള്‍ ജമലുലൈ്ളലി ഉദ്ഘാടനം ചെയ്തു. കാവനൂര്‍ മജ്മഅ് വിദ്യാര്‍ഥികള്‍ ദേശീയോദ്ഗ്രഥന ഗാനാലാപനം നടത്തി. മുഈന്‍ അലി ശിഹാബ് തങ്ങള്‍ അധ്യക്ഷത വഹിച്ചു. ഗാന രചയിതാവ് കാനേഷ് പൂനൂര്‍ മുഖ്യാതിഥിയായി. ബഷീര്‍ ഫൈസി പ്രമേയ പ്രഭാഷണവും നിയാസ് അലി ശിഹാബ് തങ്ങള്‍ പ്രമേയ അവതരണവും നടത്തി. പി.കെ. ബഷീര്‍ എം.എല്‍.എ, ടി.വി. ഇബ്രാഹിം എം.എല്‍.എ, കോഴിക്കോട് രൂപത വികാരി ജനറല്‍ ഫാ. ഡോ. തോമസ് പനക്കല്‍, ഉമര്‍ ദര്‍സി, റഷീദ് ദാരിമി, വൈ.സി. മൂസ മൗലവി, കെ.ടി. മുഹമ്മദലി, സി.ടി. ജലീല്‍, ഉമര്‍ ദാരിമി എന്നിവര്‍ സംസാരിച്ചു. ഭരണഘടനയും ഏക സിവില്‍ കോഡും സെമിനാറില്‍ സംസ്ഥാന സെക്രട്ടറി കെ.എ. റഹ്മാന്‍ അധ്യക്ഷത വഹിച്ചു. ഇ.ടി. മുഹമ്മദ് ബഷീര്‍ എം.പി ഉദ്ഘാടനം ചെയ്തു. ജി.എം. സ്വലാഹുദ്ദീന്‍ ഫൈസി വിഷയം അവതരിപ്പിച്ചു.