സഹകരണ മേഖല സംരക്ഷിക്കാന്‍ സര്‍ക്കാര്‍ പ്രതിജ്ഞാബദ്ധം –മന്ത്രി

പുലാമന്തോള്‍: സഹകരണ മേഖലയിലെ നിക്ഷേപങ്ങള്‍ക്ക് സര്‍ക്കാര്‍ ഗ്യാരണ്ടിയാണെന്ന് മന്ത്രി കടകംപള്ളി സുരേന്ദ്രന്‍. പുലാമന്തോള്‍ ഗ്രാമപഞ്ചായത്ത് വനിത സഹകരണ സംഘം ഓഫിസ് ഉദ്ഘാടനം ചെയ്യുകയായിരുന്നു അദ്ദേഹം. മഞ്ഞളാംകുഴി അലി എം.എല്‍.എ അധ്യക്ഷത വഹിച്ചു. വനിത സഹകരണ സംഘം സെക്രട്ടറി കെ. തങ്കമണി റിപ്പോര്‍ട്ട് അവതരിപ്പിച്ചു. മുന്‍ സഹകരണ പെന്‍ഷന്‍ ബോര്‍ഡ് ചെയര്‍മാന്‍ പി.പി. വാസുദേവന്‍ മുഖ്യാതിഥിയായി. സഹകരണ പെന്‍ഷന്‍ ബോര്‍ഡ് ചെയര്‍മാന്‍ സി. ദിവാകരന്‍ ലോഗോ പ്രകാശനം ചെയ്തു. മലപ്പുറം സഹകരണ ജോയന്‍റ് രജിസ്ട്രാര്‍ എം.ടി. ദേവസ്യ ഡെപ്പോസിറ്റ് സ്വീകരണവും സംസ്ഥാന സഹകരണ ബാങ്ക് ഡയറക്ടര്‍ വി. രമേശന്‍ വായ്പ വിതരണവും നടത്തി. വി.പി. മുഹമ്മദ് ഹനീഫ, ടി.കെ. റഷീദലി, എം.പി. വേലായുധന്‍, കെ.ടി. ഉസ്മാന്‍, ശ്രീഹരി, എം.വി. കുട്ടിശങ്കരന്‍, സി. ഗോവിന്ദന്‍, മുഹമ്മദ് കമാല്‍, കെ.പി. മൊയ്തീന്‍ കുട്ടി, നന്ദകുമാര്‍, സെയ്തലവി പാലൂര്‍, കെ. മുഹമ്മദ് കുട്ടി മാസ്റ്റര്‍, വി. വാസുദേവന്‍, ഹംസ പാലൂര്‍, പി.ടി. മൂസ്സ, ഷാഫി നവാസ്, പി.എം. മനോജ് എന്നിവര്‍ സംസാരിച്ചു. വനിത സഹകരണ സംഘം പ്രസിഡന്‍റ് എച്ച്. സരോജിനി സ്വാഗതവും വൈസ് പ്രസിഡന്‍റ് മറിയാമ്മ ആന്‍റണി നന്ദിയും പറഞ്ഞു.