'സംസ്​കൃത സമൂഹത്തെ സൃഷ്​ടിക്കണം'

മലപ്പുറം: സുരക്ഷിത രാഷ്ട്രം കെട്ടിപ്പടുക്കാൻ സംസ്കൃത സമൂഹത്തെ വാർത്തെടുക്കുന്നതിന് പണ്ഡിതരും നേതാക്കളും മുന്നോട്ടുവരണമെന്ന് ഒാൾ ഇന്ത്യ ലത്വീഫി അസോസിയേഷൻ ജില്ല സമ്മേളനം ആഹ്വാനം ചെയ്തു. അഷ്റഫ് ജമലുല്ലൈലി തങ്ങൾ ചേളാരി പതാക ഉയർത്തി. കെ.സി. അബൂബക്കർ ഹസ്രത്ത് ഉദ്ഘാടനം ചെയ്തു. താജുദ്ദീൻ ആറ്റക്കോയ തങ്ങൾ അധ്യക്ഷത വഹിച്ചു. അഡ്വ. ഇസ്മായിൽ വഫ, അബ്ദുൽ ജലീൽ ലത്തീഫി, യൂസഫ് ലത്തീഫി, മുല്ലക്കോയ തങ്ങൾ ലത്തീഫി, മുസ്തഫ ലത്തീഫി, ഇബ്രാഹിം ലത്തീഫി എന്നിവർ സംസാരിച്ചു. 'മുത്തലാഖ്: നിയമപരമായി നേരിടും' മലപ്പുറം: മുത്തലാഖ് വിധിയുടെ പശ്ചാത്തലത്തിൽ മുസ്ലിം വ്യക്തി നിയമത്തിനുമേൽ കൈവെക്കാൻ ശ്രമമുണ്ടായാൽ നിയമപരമായി ചെറുക്കുമെന്ന് കേരള സംസ്ഥാന ജംഇയ്യതുൽ ഉലമ ജനറൽ സെക്രട്ടറി നജീബ് മൗലവി പറഞ്ഞു. സംസ്ഥാന സുന്നി യുവജന ഫെഡറേഷൻ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം. എൻ.കെ. മുഹമ്മദ് മൗലവി അധ്യക്ഷത വഹിച്ചു. അബ്ദുൽ ജബ്ബാർ ശിഹാബ് തങ്ങൾ ഉദ്ഘാടനം ചെയ്തു. സി.എം. അഷ്റഫ് ബാഖവി, സമദ് മൗലവി, സദഖത്തുല്ല മൗലവി കാടാമ്പുഴ, അലി അക്ബർ മൗലവി എന്നിവർ സംസാരിച്ചു.