മോഷ​ണക്കേസിൽ പത്ത്​ വർഷത്തിനുശേഷം പ്രതി പിടിയിൽ

തേഞ്ഞിപ്പലം: പത്ത് വർഷം മുമ്പത്തെ മോഷണേക്കസിലെ പ്രതി പിടിയിൽ. കാടാമ്പുഴ പിലാത്തറ കോളനിയിലെ പയ്യാപന്ത അബ്ദുൽ ഖാദറാണ് (49) തേഞ്ഞിപ്പലം പൊലീസി​െൻറ പിടിയിലായത്. 2007ൽ ഇടിമുഴിക്കലിൽ ചെമ്പും ഇയ്യവും പൂശുന്ന കട കുത്തിത്തുറന്ന് മോഷണം നടത്തിയ കേസിലാണ് അറസ്റ്റ്. രഹസ്യവിവരത്തെ തുടർന്ന് വെട്ടിച്ചിറയിൽനിന്നാണ് ഇയാൾ പിടിയിലായത്. തേഞ്ഞിപ്പലം എ.എസ്.ഐ എം. സുബ്രഹ്മണ്യ​െൻറ നേതൃത്വത്തിലെ സംഘമാണ് അറസ്റ്റ് ചെയ്തത്. നിരവധി കേസുകളിൽ പ്രതിയായ അബ്ദുൽ ഖാദറിനെ പരപ്പനങ്ങാടി കോടതി റിമാൻഡ് ചെയ്തു.