പി.വി. അന്‍വറിനെതിരായ സമരം: നിലമ്പൂരിലും കോൺഗ്രസില്‍ ഭിന്നത

ആര‍്യാട‍​െൻറ പിന്മാറ്റം വിവാദമായി ----------------------------------------------------------------------- നിലമ്പൂർ: കക്കാടംപൊയിലിൽ പി.വി. അന്‍വര്‍ എം.എല്‍.എയുടെ ഉടമസ്ഥതയിലുള്ള വാട്ടര്‍ തീം പാര്‍ക്കിനെതിരായ സമരം സംബന്ധിച്ച് നിലമ്പൂരിലെ കോൺഗ്രസിലും ഭിന്നത. മണ്ഡലം കമ്മിറ്റി പ്രഖ‍്യാപിച്ച സമരത്തിൽ ആര‍്യാട‍ൻ മുഹമ്മദ് പങ്കെടുക്കുന്നില്ലെന്നതാണ് വിവാദമായിരിക്കുന്നത്. പിന്മാറ്റം തന്ത്രത്തി‍​െൻറ ഭാഗമാണെന്നാണ് പാർട്ടിയിലെ ഒരു വിഭാഗം പറയുന്നത്. പാർക്കിനെതിരെ അന്വേഷണം വേണമെന്ന് വാർത്തസമ്മേളനത്തിൽ ആര‍്യാടൻ ആവശ‍്യപ്പെട്ടിരുന്നു. അന്വേഷണം വേണമെന്ന കാര‍്യത്തിൽ ഉറച്ചുനിൽക്കുന്നെന്നും എന്നാൽ, സമരം നടത്തുന്നതിൽ താൽപര‍്യമില്ലെന്നുമാണ് ആര‍്യാടൻ അറിയിച്ചിരിക്കുന്നത്. ബുധനാഴ്ചയാണ് നിലമ്പൂരിലെ വനംവകുപ്പ് കാര്യാലയത്തിലേക്ക് കോൺഗ്രസ് മാർച്ച് നടത്തുന്നത്. മുതിര്‍ന്ന നേതാവായ ആര്യാടന്‍ മുഹമ്മദ് പങ്കെടുക്കില്ലെന്നറിഞ്ഞതോടെ സംഘാടകർ വിഷമവൃത്തത്തിലായിട്ടുണ്ട്. മലപ്പുറം ഡി.സി.സി പ്രസിഡൻറ് വി.വി. പ്രകാശിനെ ഉദ്ഘാടകസ്ഥാനത്തുനിന്ന് മാറ്റി കോഴിക്കോട് ഡി.സി.സി പ്രസിഡൻറ് ടി. സിദ്ദീഖിനെ ഉദ്ഘാടകനാക്കിയതും ഒരു വിഭാഗത്തി​െൻറ നീരസത്തിനിടയാക്കിയിട്ടുണ്ട്. പാര്‍ക്ക് സ്ഥിതി ചെയ്യുന്ന കൂടരഞ്ഞി ഗ്രാമപഞ്ചായത്തിലെ യു.ഡി.എഫ് ഭരണസമിതി അന്‍വറിന് അനുകൂലമായ നിലപാട് സ്വീകരിക്കുന്നതും റോപ്വേ സ്ഥിതിചെയ്യുന്ന അരീക്കോെട്ട ബ്ലോക്ക് കോൺഗ്രസ് കമ്മിറ്റി വിഷയത്തില്‍ മൗനം പാലിക്കുന്നതും കോൺഗ്രസിനെ പ്രതിരോധത്തിലാക്കുന്നുണ്ട്.