മഞ്ചേരി മെഡിക്കൽ കോളജിന് മൂന്ന് മാസമായി പ്രിൻസിപ്പലില്ല

മഞ്ചേരി: കഴിഞ്ഞ മൂന്ന് മാസമായി മഞ്ചേരി മെഡിക്കൽ കോളജിന് പ്രിൻസിപ്പലില്ലാത്തത് അക്കാദമിക് കാര്യങ്ങളിൽ തടസ്സമാവുന്നു. നിലവിൽ വൈസ് പ്രിൻസിപ്പാലിന് ചുമതലയുണ്ടെങ്കിലും നിയമപരമായി പല നടപടി ക്രമങ്ങൾക്കും പരിമിതികളുമുണ്ട്. മെഡിക്കൽ കോളജിന് പുതിയ പ്രിൻസിപ്പലിനെ നിയമിച്ചിട്ടുണ്ടെങ്കിലും നിയമനം കിട്ടി രണ്ടാഴ്ച കഴിഞ്ഞിട്ടും പുതിയ പ്രിൻസിപ്പൽ ചുമതലയേറ്റിട്ടില്ല. കോഴിക്കോട് മെഡിക്കൽ കോളജിലെ സർജൻ ഡോ. എം.പി. ശശിയെയാണ് പുതിയ പ്രിൻസിപ്പലായി നിയമിച്ചത്. എന്നാൽ മഞ്ചേരി മെഡിക്കൽ കോളജിന് പുതിയ പ്രിൻസിപ്പലിനെ നിയമിച്ചപ്പോൾ തന്നെ നിയമിച്ച കോഴിക്കോട് മെഡിക്കൽ കോളജ് പ്രിൻസിപ്പൽ ചുമതലയേറ്റിട്ടുണ്ട്. നിരവധി അക്കാദമിക് കാര്യങ്ങൾക്ക് സ്ഥിരം പ്രിൻസിപ്പൽ അനിവാര്യമാണ്. അവസാന വർഷ മെഡിക്കൽ കൗൺസിൽ പരിശോധനക്കുള്ള തയാറെടുപ്പുകൾ ഇതുവരെ തുടങ്ങാൻ കഴിഞ്ഞിട്ടില്ല. ഹോസ്റ്റൽ കെട്ടിട നിർമാണവും മന്ദഗതിയിലാണ്.