വഴിയോരത്തെ വൃക്ഷതൈകൾ നശിപ്പിച്ചു

ചങ്ങരംകുളം: സംസ്ഥാന പാതയോരത്ത് നടുന്ന തണൽമരങ്ങളും വൃക്ഷതൈകളും നശിപ്പിക്കുന്നത് പതിവാകുന്നു. കഴിഞ്ഞദിവസം ചങ്ങരംകുളം ടൗണിൽ എടപ്പാൾ റോഡിൽ തൊഴിലുറപ്പ് തൊഴിലാളികൾ നട്ട തണൽമരങ്ങൾ നശിപ്പിച്ചതായി കണ്ടെത്തി. ഇതിനുമുമ്പ് കോലിക്കര -കടവല്ലൂർ പാടത്ത് നട്ടിരുന്ന തണൽമരങ്ങളും കണിക്കൊന്നയും നശിപ്പിച്ചിരുന്നു. വളയംകുളത്തും കാളച്ചാൽ പാടത്തും കഴിഞ്ഞവർഷം നട്ട തണൽവൃക്ഷങ്ങളും നശിപ്പിച്ചിരുന്നു. പരസ്യങ്ങൾക്ക് തടസ്സമാകുന്നതിനാലാണ് വൃക്ഷതൈകൾ നശിപ്പിക്കുന്നതെന്ന് നാട്ടുകാർ പറഞ്ഞു.