Begin typing your search above and press return to search.
exit_to_app
exit_to_app
Posted On
date_range 13 April 2017 10:58 AM GMT Updated On
date_range 13 April 2017 10:58 AM GMTതിരൂരിന് വിഷുക്കാഴ്ചയായി കെ. ജയകുമാര് വരച്ച ചിത്രങ്ങളുടെ പ്രദര്ശനം
text_fieldsbookmark_border
തിരൂര്: മലയാള സര്വകലാശാല വൈസ്ചാന്സലര് കെ. ജയകുമാര് വരച്ച ചിത്രങ്ങള് കലാസ്വാദകരുടെ മുന്നിലേക്കെത്തുന്നു. ജൂനിയര് ചേംബര് ഇൻറര്നാഷനല് തിരൂര് ഘടകം ശനി, ഞായര് ദിവസങ്ങളില് തുഞ്ചന്പറമ്പിലാണ് അകക്കാഴ്ച എന്ന പേരില് പ്രദര്ശനം ഒരുക്കുന്നത്. ജില്ലയില് ആദ്യമായാണ് കെ. ജയകുമാറിെൻറ ചിത്രപ്രദര്ശനം സംഘടിപ്പിക്കുന്നത്. തിരൂര് പ്രസ് ക്ലബ്, സ്കൂള് ഫൈന് ആര്ട്സ് എന്നിവയുടെ സഹകരണത്തോടെയാണ് പരിപാടി. ജയകുമാര് വരച്ച അമ്പതോളം ചിത്രങ്ങളാണ് പ്രദര്ശനത്തിലുള്ളത്. ശനിയാഴ്ച രാവിലെ 10 മുതല് രാത്രി എട്ട് വരെയും ഞായറാഴ്ച വൈകീട്ട് അഞ്ച് വരെയും പ്രദര്ശനം കാണാം. പ്രവേശനം സൗജന്യമാണ്. ചിത്രങ്ങളുടെ വിൽപനയും ഒരുക്കിയിട്ടുണ്ട്. പരിപാടിയുടെ ഭാഗമായി ശനിയാഴ്ച രാവിലെ 9.30ന് തുഞ്ചന്പറമ്പില് 12 വയസ്സില് താഴെയുള്ള കുട്ടികള്ക്കായി ചിത്രരചന മത്സരം നടത്തും. വൈകീട്ട് നാലിന് കെ. ജയകുമാര് ആസ്വാദകരുമായി സംവദിക്കും. ഭിന്നശേഷിക്കാരായവരുടെ ചിത്ര രചന പ്രദര്ശനവും ഒരുക്കിയിട്ടുണ്ട്. ചിത്രങ്ങളുടെ വിൽപനയില്നിന്ന് ലഭിക്കുന്ന ലാഭം ജെ.സി.ഐയുടെ ജീവകാരുണ്യ പ്രവര്ത്തനങ്ങള്ക്കായി വിനിയോഗിക്കുമെന്ന് ജെ.സി.ഐ പ്രസിഡൻറ് ജംഷാദ് കൈനിക്കര, സെക്രട്ടറി വി.പി. സത്യാനന്ദന്, പ്രോഗ്രാം ഡയറക്ടര് കെ.പി. നജീമുദ്ദീന്, സി.പി. റിഫ ഷെലീസ്, സി.വി. അബ്ദുറഹൂഫ്, ഷമീര് കളത്തിങ്ങല് എന്നിവര് വാര്ത്തസമ്മേളനത്തില് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story