കേ​ര​ള പ്രീ​മി​യ​ർ ലീ​ഗ് ഫു​ട്ബാ​ൾ നാ​ളെ തി​രൂ​രി​ൽ; വി​ളം​ബ​ര ജാ​ഥ ഇ​ന്ന്​

തിരൂർ: കേരള ഫുട്ബാൾ അസോസിയേഷൻ നടത്തുന്ന കേരള പ്രീമിയർ ലീഗ്‌ ഫുട്ബാൾ നാലാം എഡിഷൻ ശനിയാഴ്ച തിരൂർ താഴെപ്പാലം രാജീവ് ഗാന്ധി മുനിസിപ്പൽ സ്റ്റേഡിയത്തിൽ ആരംഭിക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. ഉദ്ഘാടന മത്സരത്തിൽ സ്പോർട്സ് അക്കാദമി തിരൂർ തൃശൂർ എഫ്.സി.ഐയുമായി മാറ്റുരക്കും. ഉദ്ഘാടന മത്സരത്തിെൻറ വിളംബര ജാഥ വെള്ളിയാഴ്ച വൈകീട്ട് നാലിന് റിങ് റോഡിലെ ഐ.ഡി.ബി.എ ജങ്ഷനിൽ നിന്ന് പുറപ്പെട്ട് സ്റ്റേഡിയത്തിൽ സമാപിക്കും. വാർത്ത സമ്മേളനത്തിൽ സംഘാടക സമിതി ചെയർമാൻ അഡ്വ. എസ്. ഗിരീഷ്, ജനറൽ കൺവീനർ കണ്ടാത്ത് കുഞ്ഞിപ്പ, വൈസ് ചെയർമാൻ പി.എ. ബാവ, വി.പി. ഉമ്മർ, ജോയൻറ് കൺവീനർമാരായ പി.പി. അബ്ദുറഹ്മാൻ, വി.കെ. മൊയ്തീൻ കുട്ടി, മുജീബ് താനാളൂർ, ഇസ്ഹാഖ് എന്നിവർ പങ്കെടുത്തു.