മണല്‍ മാഫിയ യുവാവിനെ ആക്രമിച്ചെന്ന്

എടക്കര: മണല്‍ മാഫിയ യുവാവിനെ വീട്ടില്‍ കയറി ആക്രമിച്ചതായി പരാതി. പരിക്കേറ്റ യുവാവ് നിലമ്പൂര്‍ ജില്ലാ ആശുപത്രിയില്‍ ചികിത്സ തേടി. ചുങ്കത്തറ കുറുമ്പലങ്ങോട് കോലോംപാടത്തെ വെള്ളയൂര്‍ മഠത്തില്‍ ജംഷീദിനാണ് (32) പരിക്കേറ്റത്. ഇയാളുടെ കണ്ണിനും കഴുത്തിനും നെഞ്ചിനും പരിക്കേറ്റിട്ടുണ്ട്. വ്യാഴാഴ്ച രാത്രി 9.30ഓടെയാണ് മുപ്പതോളം വരുന്ന മണല്‍ മാഫിയ സംഘം ഇയാളുടെ വീട്ടിലത്തെിയത്. ഇതില്‍ കണ്ടാലറിയാവുന്ന അഞ്ചുപേര്‍ ചേര്‍ന്ന് തന്നെ മര്‍ദിക്കുകയായിരുന്നുവെന്ന് ജംഷീദ് പറയുന്നു. വീട്ടിലുണ്ടായിരുന്ന മാതാവിനും സഹോദരിമാര്‍ക്ക് നേരെ അസഭ്യം പറയുകയും ഭീഷണിപ്പെടുത്തുകയും ചെയ്തുവത്രെ. അനധികൃതമായി മണല്‍ കടത്തുന്ന വിവരം പോത്തുകല്‍ പൊലീസില്‍ വിളിച്ചുപറഞ്ഞുവെന്ന് ആരോപിച്ചായിരുന്നു മര്‍ദനം. വിളിച്ചുപറഞ്ഞ വിവരം പൊലീസുകാര്‍ തങ്ങളെ അറിയിച്ചിട്ടുണ്ടെന്നും ജംഷീദിന്‍െറ മൊബൈല്‍ നമ്പറും പൊലീസുകാര്‍ നല്‍കിയിട്ടുണ്ടെന്നും പറഞ്ഞായിരന്നു മര്‍ദനം. ജംഷീദിന്‍െറ പരാതിയില്‍ പോത്തുകല്‍ പൊലീസ് കേസ് രജിസ്റ്റര്‍ ചെയ്തിട്ടുണ്ട്. പ്രദേശത്ത് മണല്‍, കഞ്ചാവ് മാഫിയകള്‍ ജനങ്ങള്‍ക്ക് ഭീഷണിയായിരിക്കുകയാണെന്നും പൊലീസിന്‍െറ അനാസ്ഥയാണ് ഇതിന് കാരണമെന്നും നാട്ടുകാര്‍ ആരോപിക്കുന്നു.