Begin typing your search above and press return to search.
exit_to_app
exit_to_app
Posted On
date_range 26 Jun 2016 12:08 PM GMT Updated On
date_range 26 Jun 2016 12:08 PM GMTകുന്നുമ്മലിലെ സൂചനാബോര്ഡ്: ശിപാര്ശ ചെയ്യേണ്ടത് ട്രാഫിക് പൊലീസെന്ന് ഉപദേശക സമിതി
text_fieldsbookmark_border
മലപ്പുറം: കുന്നുമ്മല് ജങ്ഷനില് റോഡുകള് സൂചിപ്പിക്കുന്ന ബോര്ഡിനായി ശിപാര്ശ ചെയ്യേണ്ടത് ട്രാഫിക് പൊലീസാണെന്ന് ട്രാഫിക് ഉപദേശക സമിതി. പൊതുജനങ്ങളുടെ പരാതിയിലും നടപടി സ്വീകരിക്കാനാവുമെന്ന് അധികൃതര് അറിയിച്ചു. ഉപദേശക സമിതിയുടെ നിര്ദേശപ്രകാരം ബോര്ഡ് സ്ഥാപിക്കേണ്ടത് പി.ഡബ്ള്യൂ.ഡി റോഡ്സ് വിഭാഗമാണ്. മൂന്നുവര്ഷം പിന്നിട്ടു കുന്നുമ്മല് ട്രാഫിക് ഐലന്ഡില് ബോര്ഡില്ലതായിട്ട്. ഇതിനിടെ ട്രാഫിക് ഉപദേശക സമിതിയുടെ നിരവധി യോഗങ്ങള് ചേര്ന്നെങ്കിലും ഇക്കാര്യം ശ്രദ്ധയില്പ്പെടുത്താന് ട്രാഫിക് പൊലീസിനോ ബന്ധപ്പെട്ടവര്ക്കോ ആയില്ല. ദിശാബോര്ഡില്ലാത്തതിനാല് ജങ്ഷനിലത്തെുന്ന ഇതരസംസ്ഥാന വാഹനങ്ങള്ക്ക് വഴിതെറ്റി നഗരത്തിനുള്ളില് കറങ്ങേണ്ടി വരുന്നത് പതിവാണ്. മിക്ക സമയത്തും ഇവിടെ ട്രാഫിക് ഡ്യൂട്ടിയിലുള്ള പൊലീസുകാരന് ഇരട്ടി പണിയുണ്ടാകും. പാലക്കാട് റോഡില് സെന്റ് ജെമ്മാസ് സ്കൂള് മുതല് മഞ്ചേരി റോഡ് വരെ തിരക്ക് ഒഴിവാക്കേണ്ടത് മിക്കപ്പോഴും ഒരു പൊലീസുകാരന്െറ ചുമതലയാണ്. ഇതിനിടയില് ഡ്രൈവര്മാര്ക്ക് വഴി പറഞ്ഞുകൊടുക്കുകയും വേണം. അതേസമയം, ദിശാബോര്ഡ് സ്ഥാപിക്കാന് അടുത്ത ട്രാഫിക് ഉപദേശകസമിതി യോഗത്തില് ശിപാര്ശ ചെയ്യുമെന്ന് മലപ്പുറം ട്രാഫിക് സബ് ഇന്സ്പെക്ടര് ബാലഗംഗാധരന് പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story