അനന്തകലക്ക് കൊടിയിറക്കം

തിരുവനന്തപുരം: സംസ്ഥാന സ്കൂള്‍ കലോത്സവത്തിന്‍െറ ലൈവ് സ്ട്രീമിങ് കണ്ടത് 41 രാജ്യങ്ങളിലെ എട്ടു ലക്ഷത്തിലധികം പേര്‍. ഐ.ടി അറ്റ് സ്കൂളിന്‍െറ വെബ്സൈറ്റ് വഴി ഒരുക്കിയ സൗകര്യമാണ് ഇത്രയും രാജ്യങ്ങളിലുള്ളവര്‍ ഉപയോഗിച്ചത്. കലോത്സവത്തിനായി ഒരുക്കിയ വെബ്സൈറ്റ് തിങ്കളാഴ്ച വൈകീട്ട് വരെ സന്ദര്‍ശിച്ചത് 15 ലക്ഷം പേരാണ്. വിഡിയോ ഓണ്‍ ഡിമാന്‍ഡ് സൗകര്യം ഉപയോഗിച്ച് വിവിധ മത്സരങ്ങള്‍ വെബ്വഴി കണ്ടത് ഒന്നര ലക്ഷത്തിലധികം പേരാണ്. കലോത്സവത്തിന്‍െറ ഫേസ്ബുക് പേജ് ഒന്നര ലക്ഷം പേര്‍ സന്ദര്‍ശിച്ചു. ഇത്രയധികം പേര്‍ കലോത്സവം ഓണ്‍ലൈനായി ദര്‍ശിച്ചത് സംസ്ഥാന സ്കൂള്‍ കലോത്സവ ചരിത്രത്തില്‍ ആദ്യമാണെന്ന് ഐ.ടി അറ്റ് സ്കൂള്‍ ഡയറക്ടര്‍ കെ.പി. നൗഫല്‍ പറഞ്ഞു. വെബ്സൈറ്റില്‍ രജിസ്റ്റര്‍ ചെയ്തവര്‍ക്ക് മത്സരഫലവും ജില്ലകളുടെ ലീഡിങ് നിലയും ഉള്‍പ്പെടെയുള്ള വിവരങ്ങള്‍ എസ്.എം.എസ് വഴി ലഭ്യമാക്കുന്നതും ഇത്തവണത്തെ പ്രത്യേകതയായിരുന്നു. ആറു ലക്ഷം എസ്.എം.എസുകളാണ് ഐ.ടി അറ്റ് സ്കൂള്‍ ഒരുക്കിയ സംവിധാനം വഴി അയച്ചത്. കലോത്സവത്തിനായി വികസിപ്പിച്ചെടുത്ത മൊബൈല്‍ ആപ്പില്‍ മൂന്നു ലക്ഷത്തിലധികം ഹിറ്റുകളാണ് രേഖപ്പെടുത്തിയത്.