പെരിന്തല്‍മണ്ണയില്‍ ഇ.എസ്.ഐ ഡിസ്പെന്‍സറി ഉടന്‍ തുറക്കും

പെരിന്തല്‍മണ്ണ: താലൂക്കിലെ വിവിധ സ്ഥാപനങ്ങളില്‍ ജോലിചെയ്യുന്ന ആയിരക്കണക്കിന് ജീവനക്കാരുടെ ഏറെക്കാലത്തെ കാത്തിരിപ്പിന് അറുതിവരുത്തി പെരിന്തല്‍മണ്ണയില്‍ എംപ്ളോയീസ് സ്റ്റേറ്റ് ഇന്‍ഷുറന്‍സ് (ഇ.എസ്.ഐ) ഡിസ്പെന്‍സറി തുറക്കാനുള്ള നടപടികള്‍ അന്തിമഘട്ടത്തില്‍. പെരിന്തല്‍മണ്ണ-പട്ടാമ്പി റോഡില്‍ സപൈ്ളകോയുടെ സമീപത്താണ് സ്ഥാപനം ആരംഭിക്കുക. രാവിലെ എട്ട് മുതല്‍ ഒരു മണി വരെയാകും തുടക്കത്തില്‍ പ്രവര്‍ത്തനസമയം. ഒന്ന് വീതം ഡോക്ടര്‍, സ്റ്റാഫ് നഴ്സ് അല്ളെങ്കില്‍ ഫാര്‍മസിസ്റ്റ്, ഗ്രേഡ്വണ്‍ അറ്റന്‍ഡര്‍, ക്ളാര്‍ക്ക് എന്നിങ്ങനെ ജീവനക്കാരെയും നിയമിക്കാന്‍ നടപടികളായിട്ടുണ്ട്. പ്രതിമാസം 15,000 രൂപവരെ വേതനം വാങ്ങുന്നവര്‍ക്ക് മാത്രമാണ് ഇ.എസ്.ഐ ആനുകൂല്യം ലഭിക്കുക. വേതനത്തിന്‍െറ 1.75 ശതമാനം ജീവനക്കാരനും 4.75 ശതമാനം തൊഴിലുടമയും ഇതിലേക്ക് അംശാദായം അടക്കണം. ദിവസം നൂറ് രൂപയില്‍ താഴെ പ്രതിഫലം വാങ്ങുന്നവര്‍ അംശാദായം അടക്കേണ്ടതില്ല. ജീവനക്കാരുടെ ഭാര്യ/ ഭര്‍ത്താവ്, മക്കള്‍, മാതാപിതാക്കള്‍ എന്നിവര്‍ക്ക് ഇ.എസ്.ഐയുടെ ചികിത്സ ആനുകൂല്യം ലഭിക്കും. നിലവില്‍ ജില്ലയില്‍ മലപ്പുറം, കുറ്റിപ്പുറം, നിലമ്പൂര്‍, മഞ്ചേരി, വാഴക്കാട് എന്നിവിടങ്ങളിലാണ് ഇ.എസ്.ഐ കേന്ദ്രങ്ങള്‍ പ്രവര്‍ത്തിക്കുന്നത്.