കലയിലും ഗോളടിച്ച്

അരീക്കോട്: ജില്ലാ സ്കൂള്‍ കലോത്സവം അവസാന മണിക്കൂറുകളിലേക്ക് കടക്കുമ്പോള്‍ കലാകിരീടത്തിനായുള്ള പോരാട്ടം വേങ്ങരയും മലപ്പുറവും തമ്മില്‍. ഹൈസ്കൂള്‍ വിഭാഗത്തില്‍ വേങ്ങര ഉപജില്ല 221 പോയന്‍റുമായി മുന്നില്‍ നില്‍ക്കുമ്പോള്‍ തൊട്ടുപിന്നില്‍ 215 പോയന്‍റുമായി മലപ്പുറവുമുണ്ട്. എടപ്പാളാണ് (206) മൂന്നാമത്. നാലാംദിനമായ ബുധനാഴ്ച 88 ഇനങ്ങളില്‍ 64 എണ്ണം പൂര്‍ത്തിയായി. ഹയര്‍ സെക്കന്‍ഡറി വിഭാഗത്തില്‍ 103ല്‍ 67 ഇനങ്ങളുടെ ഫലം പൂര്‍ത്തിയായപ്പോള്‍ വേങ്ങരയാണ് മുന്നില്‍ -238. മലപ്പുറം (221), കൊണ്ടോട്ടി (214) എന്നിവയാണ് യഥാക്രമം രണ്ടും മൂന്നും സ്ഥാനത്ത്. യു.പി വിഭാഗത്തില്‍ 91 പോയന്‍റുമായി മഞ്ചേരി ഒന്നാമതത്തെി. താനൂരിന് 89ഉം മലപ്പുറത്തിന് 88ഉം പോയന്‍റുണ്ട്. ഈ വിഭാഗത്തില്‍ 33 ഇനങ്ങളില്‍ 20 എണ്ണം പൂര്‍ത്തിയായി. അറബിക് കലോത്സവത്തില്‍ യു.പി വിഭാഗത്തില്‍ ആതിഥേയര്‍ക്കാണ് മുന്നേറ്റം. അരീക്കോട് -60, പരപ്പനങ്ങാടി -58, മേലാറ്റൂര്‍ -56 എന്നിങ്ങനെയാണ് പോയന്‍റ് നില. ഹൈസ്കൂള്‍ വിഭാഗത്തില്‍ 81 പോയന്‍റുമായി മലപ്പുറം മുന്നിലത്തെി. 80 പോയന്‍റുമായി കൊണ്ടോട്ടിയും 78 പോയന്‍റുമായി വേങ്ങരയുമാണ് പിന്നില്‍. സംസ്കൃത കലോത്സവത്തില്‍ യു.പി വിഭാഗത്തില്‍ മങ്കട, താനൂര്‍, മലപ്പുറം ഉപജില്ലകള്‍ 81 പോയന്‍റ് വീതം നേടി. പെരിന്തല്‍മണ്ണ, പരപ്പനങ്ങാടി, വേങ്ങര, വണ്ടൂര്‍ 79 പോയന്‍റ് വീതം നേടി രണ്ടാമതത്തെി. 77 പോയന്‍റുമായി കുറ്റിപ്പുറമാണ് മൂന്നാമത്. ഹൈസ്കൂള്‍ വിഭാഗത്തില്‍ പരപ്പനങ്ങാടി, വേങ്ങര ഉപജില്ലകള്‍ 80 പോയന്‍റ് വീതം നേടി. മങ്കട (73), തിരൂര്‍ (71) എന്നിവ രണ്ടും മൂന്നും സ്ഥാനത്തത്തെി.