പാട്ടക്കരിമ്പ് കോളനിയില്‍ ആദിവാസികളും സുരക്ഷാ പൊലീസും തമ്മില്‍ സംഘര്‍ഷം

പൂക്കോട്ടുംപാടം: അമരമ്പലം ഗ്രാമപഞ്ചായത്തിലെ പാട്ടക്കരിമ്പ് ആദിവാസി കോളനിയില്‍ സുരക്ഷക്കത്തെിയ പൊലീസും കോളനിവാസികളും തമ്മില്‍ സംഘര്‍ഷം. കോളനിവാസികള്‍ തമ്മിലുണ്ടായ തര്‍ക്കത്തില്‍ പൊലീസ് ഇടപെട്ടതാണ് കാരണം. ഞായറാഴ്ച രാത്രി 12ഓടെയാണ് സംഭവം. കഴിഞ്ഞദിവസം മഞ്ഞപ്പിത്തം ബാധിച്ച് മരിച്ച കുട്ടിയുടെ മരണാനന്തര ചടങ്ങിനിടെയാണ് മറ്റ് കോളനിയില്‍നിന്ന് വന്നവരും പാട്ടക്കരിമ്പ് കോളനിക്കാരും തമ്മില്‍ വാക്കുതര്‍ക്കമുണ്ടായത്. സംഘര്‍ഷത്തിലേക്ക് നീങ്ങിയതോടെ, മാവോവാദി ഭീഷണിയെതുടര്‍ന്ന് കോളനിയില്‍ നിയോഗിച്ചിരുന്ന തണ്ടര്‍ബോള്‍ട്ട് സംഘം ഇടപെടുകയായിരുന്നു. തര്‍ക്കം നിയന്ത്രണാതീതമായതോടെ ആദിവാസികള്‍ക്ക് നേരെ പൊലീസ് ലാത്തിവീശി. ചിതറിയോടിയ സ്ത്രീകളും കുട്ടികളുമുള്‍പ്പെടെ പലര്‍ക്കും അടിയേറ്റതായി കോളനിക്കാര്‍ പറഞ്ഞു. പൊലീസ് അകാരണമായി കോളനിവാസികളെ മര്‍ദിക്കുകയായിരുന്നെന്നും ജില്ലാ പൊലീസ് മേധാവിയെ പരാതി അറിയിച്ചതായും പാട്ടക്കരിമ്പിലത്തെിയ മാഞ്ചീരി ചോലനായ്ക്ക കോളനിമൂപ്പനും വനംവകുപ്പ് ജീവനക്കാരനുമായ ബാലന്‍ അറിയിച്ചു. അതേസമയം, ഇക്കാര്യത്തില്‍ കോളനിക്കാര്‍ക്ക് രണ്ട് അഭിപ്രായമാണുള്ളത്. പൊലീസ് അനാവശ്യമായി ഇടപെട്ട് പ്രശ്നം വഷളാക്കുകയായിരുന്നെന്ന് ഒരു വിഭാഗം പറയുന്നു. എന്നാല്‍, പൊലീസ് ഇടപെട്ടതോടെയാണ് കൂടുതല്‍ പ്രശ്നങ്ങള്‍ ഉണ്ടാകാതിരുന്നതെന്നാണ് സ്ത്രീകളുള്‍പ്പെടെയുള്ള മറ്റൊരു വിഭാഗത്തിന്‍െറ നിലപാട്. മുണ്ടക്കടവ്, പുഞ്ചക്കൊല്ലി, അളക്കല്‍ കോളനികളിലുള്ളവരാണ് മരണാനന്തര ചടങ്ങിന് പാട്ടക്കരിമ്പിലത്തെിയിരുന്നത്. മദ്യലഹരിയിലായിരുന്ന ചിലര്‍ തമ്മിലുണ്ടായിരുന്ന മുന്‍വൈരാഗ്യമാണ് തര്‍ക്കത്തിന് കാരണമായത്. തര്‍ക്കം മൂത്തപ്പോള്‍ കോളനിയിലെ സ്ത്രീകള്‍ ആവശ്യപ്പെട്ടതനുസരിച്ചാണ് ഇടപെട്ടതെന്നും കോളനിക്കാരില്‍ ചിലര്‍ സ്ഥലത്തിരുന്ന് മദ്യപിച്ചതും അസഭ്യം പറഞ്ഞ് പൊലീസിന് നേരെ തിരിഞ്ഞതുമാണ് സംഘര്‍ഷത്തില്‍ കലാശിച്ചതെന്നും തണ്ടര്‍ബോള്‍ട്ട് സംഘം പറഞ്ഞു. പൂക്കോട്ടുംപാടം എസ്.ഐ അമൃത് രംഗന്‍ സ്ഥലത്തത്തെിയാണ് നിയന്ത്രണവിധേയമാക്കിയത്. ആദിവാസി ബാലികയുടെ മരണത്തെതുടര്‍ന്ന് കോളനിയില്‍ മാവോവാദികള്‍ എത്തിയിരുന്നു. മരണാനന്തര ചടങ്ങിനും ഇവരത്തെുമെന്ന് സൂചനയുണ്ടായിരുന്നു. തുടര്‍ന്നാണ് ജില്ലാ പൊലീസ് മേധാവിയുടെ നിര്‍ദേശപ്രകാരം പൊലീസ് പിക്കറ്റ് ഏര്‍പ്പെടുത്തിയത്.