ക്രമക്കേടെന്ന്; റോഡ് പ്രവൃത്തി തടഞ്ഞു

എടവണ്ണ: റോഡ് പണിയില്‍ ക്രമക്കേടെന്ന് ആരോപിച്ച് നാട്ടുകാര്‍ പ്രവൃത്തി തടഞ്ഞു. കുണ്ടുതോട്-ചളിപ്പാടം-ജാമിഅ റോഡിന്‍െറ പ്രവൃത്തിയാണ് ചൊവ്വാഴ്ച രാവിലെ 11ഓടെ നാട്ടുകാര്‍ തടഞ്ഞത്. റോഡ് പ്രവൃത്തിയുടെ ഭാഗമായി നടത്തുന്ന ഓവുപാലത്തിന്‍െറ ഭിത്തി നിര്‍മാണമാണ് തടഞ്ഞത്. നേരത്തേ നിര്‍മിച്ച ഭിത്തിയുടെ സിമന്‍റും കോണ്‍ക്രീറ്റും അടര്‍ന്ന് വീണതായും നാട്ടുകാര്‍ ആരോപിച്ചു. അമ്പലപറമ്പ് പള്ളിക്ക് സമീപത്തുള്ള കലുങ്ക് നിര്‍മാണത്തില്‍ മതിയായ രീതിയില്‍ സിമന്‍റും മറ്റും ഉപയോഗിക്കുന്നില്ളെന്നും കുറ്റമറ്റരീതിയില്‍ പ്രവൃത്തി നടത്തണമെന്നും ആവശ്യപ്പെട്ടാണ് നാട്ടുകാര്‍ തടഞ്ഞത്. നിര്‍മിക്കുന്ന സംരക്ഷണ ഭിത്തിയുടെ താഴെ ഭാഗം വീതി കുറവാണെന്നും അടിത്തറ കാര്യക്ഷമല്ളെന്നും നാട്ടുകാര്‍ ആരോപിച്ചു.