പാതിരാത്രിയില്‍ കടകള്‍ അടിച്ചുതകര്‍ത്തതായി പരാതി

മഞ്ചേരി: കുത്തുകല്‍ ജങ്ഷനില്‍ പാതിരാത്രിയില്‍ കടകള്‍ അടിച്ച് തകര്‍ത്തു. നേരത്തേ രണ്ടു പ്രദേശത്തുകാര്‍ തമ്മിലുള്ള വിരോധത്തിന്‍െറ ഭാഗമായുള്ള സംഘടിത അക്രമമാണെന്ന് കരുതുന്നു. ഞായറാഴ്ച രാത്രി 11.45നാണ് സംഭവം. ഷട്ടറിട്ട കടകള്‍ക്ക് കല്ളെറിഞ്ഞും അടിച്ചും തകര്‍ത്തതായി വ്യാപാരികള്‍ പറഞ്ഞു. പലചരക്ക് കട, ബേക്കറി, സ്റ്റേഷനറി കട, ഗ്ളാസ് കട എന്നിവക്ക് നാശനഷ്ടമുണ്ട്. ഒരു കോച്ചിങ് സെന്‍ററിനും നാശനഷ്ടമുണ്ട്. പൊലീസില്‍ പരാതി നല്‍കി. പ്രതികളെ ഉടന്‍ അറസ്റ്റ് ചെയ്യണമെന്നാവശ്യപ്പെട്ട് വ്യാപാരി വ്യവസായി ഏകോപന സമിതിയുടെ നേതൃത്വത്തില്‍ മഞ്ചേരി നഗരത്തില്‍ പ്രകടനം നടത്തി. യൂനിറ്റ് പ്രസിഡന്‍റ് എന്‍.ടി.കെ. ബാപ്പു, എന്‍.ടി. മുജീബ് റഹ്മാന്‍, സക്കീര്‍ ചമയം, കെ. നിവില്‍ ഇബ്രാഹീം, പി. മുഹ്സിന്‍, സക്കീര്‍ കോര്‍മത്ത്, അഷ്റഫ് മാടായി, ഗദ്ദാഫി കോര്‍മത്ത്, ആല്‍ബര്‍ട് കണ്ണമ്പുഴ, അല്‍താഫ്, ജെ.എസ്.എസ്.എസ് ഫൈസല്‍ എന്നിവര്‍ നേതൃത്വം നല്‍കി.