എടപ്പാള്‍ മേഖലയില്‍ വ്യാപക മണ്ണ് കടത്തല്‍

എടപ്പാള്‍: എടപ്പാള്‍ മേഖലയില്‍ രാത്രിയില്‍ വ്യാപകമായ മണ്ണ് കടത്തല്‍. പാലക്കാട് ജില്ലയിലെ പടിഞ്ഞാറങ്ങാടിയില്‍നിന്ന് പൊന്നാനി മേഖലയിലേക്കുള്ള മണ്ണ് കടത്തല്‍ പ്രധാനമായും എടപ്പാള്‍ ജങ്ഷന്‍ വഴിയാണ് നടക്കുന്നത്. വട്ടംകുളം പഞ്ചായത്തിലെ നെല്ലിശ്ശേരി, മുതൂര്‍ എന്നിവിടങ്ങളില്‍നിന്നും മണ്ണെടുക്കുന്നുണ്ട്. പടിഞ്ഞാറങ്ങാടിയില്‍നിന്ന് പൊന്നാനി മേഖലയിലേക്കും വട്ടംകുളം പഞ്ചായത്തില്‍നിന്ന് നടുവട്ടം വഴി മാറഞ്ചേരിയിലേക്കും കണ്ടനകം, നടക്കാവ് വഴി കാലടി മേഖലയിലേക്കുമാണ് മണ്ണ് കടത്തുന്നത്. പ്രധാനമായും വയല്‍ നികത്താനാണ് മണ്ണ് ഉപയോഗിക്കുന്നത്. നാട്ടുകാര്‍ പൊലീസില്‍ അറിയിച്ചിട്ടും നടപടി ഉണ്ടാകുന്നില്ല. കഴിഞ്ഞ ദിവസം കാലടി മേഖലയില്‍ രാത്രി നടന്ന വയല്‍ നികത്തല്‍ നാട്ടുകാര്‍ കലക്ടറെ അറിയിച്ചതിനെ തുടര്‍ന്ന് സ്പെഷല്‍ സ്ക്വാഡ് സ്ഥലത്തത്തെിയെങ്കിലും ലോറികള്‍ രക്ഷപ്പെട്ടിരുന്നു.