മികച്ച താരങ്ങളെ റാഞ്ചുന്ന സ്വകാര്യ സ്കൂളുകളെ കായികമേളകളില്‍ നിന്ന് ഒഴിവാക്കണമെന്നാവശ്യം

കുറ്റിപ്പുറം: സര്‍ക്കാര്‍ സ്കൂളുകളിലെ മികച്ച കായികതാരങ്ങളെ റാഞ്ചുന്ന സ്വകാര്യ സ്കൂളുകളെ ജില്ല, സംസ്ഥാന സ്കൂള്‍ കായികമേളകളില്‍ നിന്ന് ഒഴിവാക്കണമെന്ന ആവശ്യമുയരുന്നു. വന്‍തുക ഫീസ് വാങ്ങുന്ന സ്വകാര്യ സ്കൂളുകള്‍ക്കൊപ്പമത്തൊന്‍ പൊതുവിദ്യാഭ്യാസ സ്ഥാപനങ്ങളില്‍ പഠിക്കുന്ന വിദ്യാര്‍ഥികള്‍ക്കാകില്ളെന്നതിനാലാണിത്. സി.ബി.എസ്.ഇ ഫെസ്റ്റുകളുടെ രീതിയില്‍ സ്വകാര്യ സ്കൂളുകള്‍ക്ക് മാത്രമായി കലാ- കായികമത്സരം സംഘടിപ്പിക്കുകയും ജില്ലാ -സംസ്ഥാന മത്സരങ്ങള്‍ പൊതുവിദ്യാഭ്യാസ സ്ഥപാനങ്ങള്‍ക്ക് മാത്രമായി പരിമിതപ്പെടുത്തണമെന്നും എസ്.എഫ്.ഐ സംസ്ഥാന പ്രസിഡന്‍റ് വി.പി. സാനു ആവശ്യപ്പെട്ടു. പൊതുവിദ്യാഭ്യാസ മേഖലയെ തകര്‍ക്കുന്നതിനാണ് സ്വാശ്രയ സ്ഥാപനങ്ങള്‍ക്ക് സര്‍ക്കാര്‍ ഇത്തരത്തില്‍ പ്രോത്സാഹനം നല്‍കുന്നതെന്നും അദ്ദേഹം പറഞ്ഞു. സര്‍ക്കാര്‍ സ്കൂളിലെ കായികതാരങ്ങളെ പ്രോത്സാഹിപ്പിക്കുന്നതിനുപകരം സ്കൂളുകള്‍ക്ക് പ്രശസ്തി നേടാന്‍ പൊതുവിദ്യാഭ്യാസരംഗത്തെ കല -കായികതാരങ്ങളെ വിലക്കെടുക്കുന്ന രീതി അവസാനിപ്പിക്കണമെന്നും ഇത്തരം പ്രവണതക്കെതിരെ പ്രതിഷേധം സംഘടിപ്പിക്കുമെന്നും കെ.എസ്.യു ജില്ലാ പ്രസിഡന്‍റ് ജിഷാം പുലാമന്തോള്‍ പറഞ്ഞു. കായികതാരങ്ങളെ വിലക്കെടുക്കുന്ന പ്രവണത വിദ്യാഭ്യാസ മേഖലക്ക് ഭൂഷണമല്ളെന്നും ഇത്തരം നടപടികള്‍ അംഗീക്കാനാകില്ളെന്നും എസ്.ഐ.ഒ ഭാരവാഹികള്‍ പറഞ്ഞു. പൊതുവിദ്യാഭ്യാസ സ്ഥാപനങ്ങളിലെ വിദ്യാര്‍ഥികളെ മാത്രം ഉള്‍പ്പെടുത്തി കായികമേള സംഘടിപ്പിക്കണമെന്നും അവര്‍ ആവശ്യപ്പെട്ടു. ജില്ലയില്‍ സര്‍ക്കാര്‍ സ്കൂളുകളിലെ കായികരംഗത്ത് മികച്ചുനില്‍ക്കുന്ന വിദ്യാര്‍ഥികളെ പണം നല്‍കി വശത്താക്കുന്ന സ്വകാര്യ മാനേജ്മെന്‍റുകളുടെ നടപടിക്കെതിരെ സര്‍ക്കാര്‍ സ്കൂളിലെ കായികാധ്യാപകരും രംഗത്തുണ്ട്. സര്‍ക്കാര്‍ ചെലവില്‍ പരിശീലനം പൂര്‍ത്തിയാക്കിയ വിദ്യാര്‍ഥികളെ അവസാനഘട്ടത്തില്‍ പണം നല്‍കിയാണ് സ്വകാര്യസ്കൂളുകളിലേക്ക് മാറ്റി മത്സരിപ്പിക്കുന്നതെന്നാണ് ആരോപണം. കഴിഞ്ഞതവണ നാവാമുകുന്ദ ഹയര്‍സെക്കന്‍ഡറി സ്കൂള്‍, വെളിയങ്കോട് ഗവ. ഹൈസ്കൂള്‍ എന്നീ വിദ്യാലയങ്ങള്‍ക്കുവേണ്ടി മത്സരിച്ച വിദ്യാര്‍ഥിനികളാണ് ഇത്തവണ തവനൂരിലെ സ്വകാര്യസ്കൂളിനായി മത്സരിച്ചത്. ജില്ലാ സംസ്ഥാന കല- കായികമേളകള്‍ പൊതുവിദ്യാഭ്യാസ മേഖലയിലെ വിദ്യാര്‍ഥികള്‍ക്കായി പരിമിതപ്പെടുത്തണമെന്നാവശ്യപ്പെട്ട് കോടതിയേയും സര്‍ക്കാറിനേയും സമീപിക്കാനൊരുങ്ങുകയാണ് സര്‍ക്കാര്‍ വിദ്യാലയങ്ങളിലെ കലാ- കായികതാരങ്ങളും അധ്യാപകരും.