സിന്‍ഡിക്കേറ്റിന് മുന്നില്‍ സി.എല്‍.ആര്‍ ജീവനക്കാര്‍ ധര്‍ണ നടത്തി

തേഞ്ഞിപ്പലം: വിവിധ ആവശ്യങ്ങളുന്നയിച്ച് കാലിക്കറ്റ് സര്‍വകലാശാല സിന്‍ഡിക്കേറ്റിന് മുന്നില്‍ സി.എല്‍.ആര്‍ ജീവനക്കാര്‍ ധര്‍ണ നടത്തി. പ്യൂണിന്‍െറ സ്ഥിര നിയമനം റാങ്ക് ലിസ്റ്റ് ക്രമപ്പെടുത്തി ഉടന്‍ പ്രസിദ്ധീകരിക്കുക, 30 ശതമാനം സംവരണം നടത്തുക, നിലവില്‍ ഒഴിവുള്ള സ്ഥിരം പാര്‍ട് ടൈം സ്വീപ്പര്‍ തസ്തികയിലേക്ക് 30 വര്‍ഷമായി സി.എല്‍.ആര്‍ മാരായി ജോലി ചെയ്ത് വരുന്നവരെ നിയമിക്കുക തുടങ്ങിയ ആവശ്യങ്ങളുന്നയിച്ചായിരുന്നു ധര്‍ണ. വള്ളിക്കുന്ന് മണ്ഡലം കോണ്‍ഗ്രസ് കമ്മിറ്റി പ്രസിഡന്‍റ് മുല്ലശ്ശേരി വേണുഗോപാല്‍ ഉദ്ഘാടനം ചെയ്തു. ശിവരാജന്‍ വാകയില്‍ അധ്യക്ഷത വഹിച്ചു. എന്‍.പി. ഗോപിനാഥന്‍, കെ. ഷണ്‍മുഖന്‍, ജമീല, ഗീത, പ്രഭ എന്നിവര്‍ സംസാരിച്ചു.