നാട്ടില്‍ തിരികെയെത്തിയ പ്രവാസികളുടെ പുനരിധിവാസം യാഥാർഥ്യമാക്കണം

കോഴിക്കോട്: പ്രവാസജീവിതം അവസാനിപ്പിച്ച് നാട്ടില്‍ തിരികെയെത്തിയവരുടെ പുനരധിവാസം യാഥാർഥ്യമാക്കാന്‍ സര്‍ക്കാര്‍ ഇടപെടണമെന്ന് കുവൈത്ത് കെ.എം.സി.സി പൂര്‍വകാല പ്രവര്‍ത്തക കൂട്ടായ്മ. പലരും കടുത്ത സാമ്പത്തിക പ്രതിസന്ധി അനുഭവിക്കുന്നവരാണ്. ഇവർക്ക് പെന്‍ഷൻ അനുവദിക്കണമെന്നും കൂട്ടായ്മ ആവശ്യപ്പെട്ടു. മുസ്ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ. ഫിറോസ് ഉദ്ഘാടനം ചെയ്തു. കുവൈത്ത് കെ.എം.സി.സി മുന്‍ പ്രസിഡൻറ് റഫീഖ് കോട്ടപ്പുറം അധ്യക്ഷതവഹിച്ചു. മുസ്ലിം ലീഗ് ജില്ല ഭാരവാഹികളായ കെ. മൊയ്തീന്‍ കോയ, റഷീദ് വെങ്ങളം, കുഞ്ഞഹമ്മദ് പേരാമ്പ്ര, ലത്തീഫ് കീഴൂര്‍ എന്നിവര്‍ സംസാരിച്ചു. സഫറുല്ല സ്വാഗതവും റാഫി നന്ദിയും പറഞ്ഞു. ഭാരവാഹികൾ: റഫീഖ് കോട്ടപ്പുറം (പ്രസി.), സലാം വളാഞ്ചേരി (ജന. സെക്ര.), സഫറുല്ല കോഴിക്കോട് (ട്രഷ).