ആത്മഹത്യ ഭീഷണി മുഴക്കിയ യുവാവിനെ ഫയർഫോഴ്സ് താഴെയിറക്കി

കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിൽ കെട്ടിടത്തിനു മുകളിൽ കയറി ആത്മഹത്യ ഭീഷണി മുഴക്കിയ യുവാവിനെ ഫയർഫോഴ്സ് എത്തി താഴെയിറക്കി. ശനിയാഴ്ച വൈകീട്ട് അഞ്ചോടെയാണ് സംഭവം. ആശുപത്രി സൂപ്രണ്ട് അറിയിച്ചതിനെ തുടർന്ന് എത്തിയ അസിസ്റ്റൻറ് സ്റ്റേഷൻ ഓഫിസർ സി.കെ. മുരളീധര‍ൻെറ നേതൃത്വത്തിൽ സീനിയർ ഫയർ ആൻഡ് റെസ്ക്യൂ ഓഫിസർ ഡബ്ല്യു. സനൽ, ഫയർ ആൻഡ് റെസ്ക്യൂ ഓഫിസർമാരായ എം. മനോജ്‌കുമാർ, എൻ. രാജേഷ്, സി. അൻവർ സാദിഖ്, എം.ടി. മകേഷ്, ഹോം ഗാർഡ് പി.കെ. ലോഹിതാക്ഷൻ എന്നിവർ ചേർന്ന് ആളെ അനുനയിപ്പിച്ചു താഴെ ഇറക്കുക‍യായിരുന്നു.