നാഗപഞ്ചമി ആഘോഷം അഞ്ചിന്​

കോഴിക്കോട്: തളി മഹാഗണപതി ബാലസുബ്രഹ്മണ്യ ക്ഷേത്രത്തിൽ ആഗസ്റ്റ് അഞ്ചിന് നാഗപഞ്ചമി ആഘോഷിക്കും. രാവിലെ 5.30ന് മഹാഗണപതിഹോമത്തോടെ ചടങ്ങുകൾ ആരംഭിക്കും. രാവിലെ ഏഴിന് രുദ്രാഭിഷേകം, മഹാ അഭിഷേകം എന്നിവയും തുടർന്ന് മഞ്ഞൾപ്പൊടി ആടൽ എന്നിവയും നടക്കും. രാവിലെ 9.45ന് നാഗപൂജ, അനന്തപൂജ, അശ്വത്ഥ വൃക്ഷപൂജ, മഹാനിവേദ്യം, മഹാദീപാരാധന എന്നിവയും നടക്കുന്നതാണ്. പൂജാദി കർമങ്ങൾക്ക് ക്ഷേത്രം മുഖ്യപുരോഹിതൻ ബാലസുബ്രഹ്മണ്യ ശർമ മുഖ്യ കാർമികത്വം വഹിക്കുന്നതാണ്.