മഹാജനയാത്ര വിജയിപ്പിക്കും

മേപ്പയൂർ: കെ.പി.സി.സി പ്രസിഡൻറ് മുല്ലപ്പള്ളി രാമചന്ദ്രൻ നയിക്കുന്ന മഹാജനയാത്ര വിജയിപ്പിക്കാൻ പേരാമ്പ്ര നിയോജക മണ്ഡലം കൺവെൻഷൻ തീരുമാനിച്ചു. ഡി.സി.സി ജനറൽ സെക്രട്ടറി ഇ. അശോകൻ ഉദ്ഘാടനം ചെയ്തു. പ്രസിഡൻറ് മഹിമ രാഘവൻ നായർ അധ്യക്ഷത വഹിച്ചു. സംസ്ഥാന സെക്രട്ടറി വി.ടി. സുരേന്ദ്രൻ മുഖ്യപ്രഭാഷണം നടത്തി. കെ.പി. വേണുഗോപാൽ, പൂക്കോട്ട് ബാബുരാജ്, സഞ്ജയ് കൊഴുക്കല്ലൂർ, യു.കെ. അശോകൻ, എം. കുട്ട്യാലി, ലക്ഷ്മിയമ്മ കൂത്താളി, റിയാസ് ഊട്ടേരി, പെരുമ്പട്ടാട് അശോകൻ, മാധവൻ തുറയൂർ എന്നിവർ സംസാരിച്ചു.