എസ്​റ്റേറ്റ്മുക്ക് -കക്കയം റോഡിലെ ഇടുങ്ങിയ പാലങ്ങൾ അപകടഭീതി ഉയർത്തുന്നു

ബാലുശ്ശേരി: എസ്റ്റേറ്റ്മുക്ക്‌ -കക്കയം റോഡിലെ ഇടുങ്ങിയ പാലങ്ങൾ അപകടഭീതി ഉയർത്തുന്നു. ജില്ലയിലെ പ്രധാന വിനോദ സഞ്ചാര കേന്ദ്രമായ കക്കയം, കരിയാത്തൻപാറ ഭാഗങ്ങളിലേക്ക് നൂറുകണക്കിന് വാഹനങ്ങളാണ് ദിനംപ്രതി വരുന്നത്. എസ്റ്റേറ്റ്മുക്ക് -കക്കയം റോഡിൽ തെച്ചി, തലയാട് ഭാഗങ്ങളിലെ ഇടുങ്ങിയ പാലങ്ങൾ ബ്രിട്ടീഷ് ഭരണകാലത്ത് നിർമിച്ചവയാണ്. തെച്ചി ഭാഗത്ത് പാലത്തിനടുത്ത് ഉയരത്തിൽ വളർന്ന കാട് വാഹനങ്ങൾക്ക് അപകടഭീതി ഉയർത്തുന്നുണ്ട്. തലയാട് അങ്ങാടിക്കടുെത്ത ഇടുങ്ങിയ പാലം അങ്ങാടിയിൽ ഗതാഗതക്കുരുക്ക് സൃഷ്ടിക്കുന്നുണ്ട്.