മിന്നല്‍; അരൂരില്‍ കനത്ത നഷ്​ടം

കക്കട്ടിൽ: ശക്തമായ മഴയോടൊപ്പമെത്തിയ മിന്നലില്‍ അരൂര്‍ കല്ലുമ്പുറം ഭാഗത്ത് കനത്ത നഷ്ടം. നിരവധി വീടുകള്‍ക്ക് കേടുപാട് പറ്റി. പലേടത്തും ഇലക്ട്രോണിക് ഉപകരണങ്ങൾ നശിച്ചിട്ടുണ്ട്. തെങ്ങുകള്‍ കത്തിപ്പോയി. റിട്ട. അധ്യാപകന്‍ എ.പി. നാണുവി​െൻറ വീടിന് കാര്യമായ നഷ്ടമാണുണ്ടായത്. വീടി​െൻറ കോണ്‍ക്രീറ്റ് തകര്‍ന്നതിന് പുറമെ വയറിങ് പൂർണമായി കത്തിനശിച്ചു. ഇലക്ട്രോണിക് ഉപകരണങ്ങള്‍ കത്തിനശിച്ചു. കല്ലുമ്പുറം സ്‌കൂളിനടുത്ത് റോഡ് ഉഴുതുമറിച്ച നിലയിലാണ്. നിലച്ച വൈദ്യുതി വിതരണം കെ.എസ്.ഇ.ബി എട്ടു മണിയോടെ പുനഃസ്ഥാപിച്ചു.