Begin typing your search above and press return to search.
exit_to_app
exit_to_app
Posted On
date_range 2 Jun 2020 11:32 PM GMT Updated On
date_range 2 Jun 2020 11:32 PM GMTപുഴകളിലെ മാലിന്യം അഞ്ചിനകം നീക്കണം
text_fieldsbookmark_border
തളിപ്പറമ്പ്: വളപട്ടണം, കുപ്പം പുഴകളിലെ മാലിന്യങ്ങൾ അടിയന്തരമായി നീക്കം ചെയ്യാൻ റവന്യൂ വകുപ്പ് തദ്ദേശ സ്വയംഭരണ സ്ഥാപനങ്ങൾക്ക് നിർദേശം നൽകി. അഞ്ചിന് മുമ്പ് ഇവ നീക്കം ചെയ്യണമെന്നാണ് നിർദേശം. ജലസ്രോതസ്സുകൾ മാലിന്യമുക്തമാക്കുന്നതിൻെറ ഭാഗമായാണ് റവന്യൂ വകുപ്പിൻെറ നിർദേശം. പുഴകളിൽ അടിഞ്ഞുകൂടിക്കിടക്കുന്ന മരം, പാറക്കഷണം, മറ്റു മാലിന്യങ്ങൾ എന്നിവ നീക്കം ചെയ്യണമെന്നാണ് നിർദേശിച്ചിട്ടുള്ളത്. വളപട്ടണം, കുപ്പം പുഴകളുടെ തീരത്തുള്ള പഞ്ചായത്തുകൾക്കാണ് ഇതുസംബന്ധിച്ച് ഉത്തരവ് കൈമാറിയത്. ശേഖരിക്കുന്ന മാലിന്യം ഡബ്ബിങ് യാർഡ് കണ്ടെത്തി അത്തരം മാലിന്യങ്ങൾ അങ്ങോട്ടേക്ക് മാറ്റണം. ശേഖരിക്കുന്നതിൻെറ വിവരങ്ങളെല്ലാം താലൂക്കുതല സമിതികൾക്ക് കൈമാറണം. അത്തരം സാധനങ്ങൾ പിന്നീട് ലേലം ചെയ്ത് വിൽക്കുമെന്ന് തളിപ്പറമ്പ് തഹസിൽദാർ സി.വി. പ്രകാശൻ അറിയിച്ചു. പഞ്ചായത്തുകൾ ആവശ്യപ്പെട്ടാൽ മാലിന്യ നീക്കത്തിന് വാഹനങ്ങൾ വിട്ടുനൽകും. അത്തരം വാഹനങ്ങൾ ഏർപ്പെടുത്താൻ വിവിധ സംഘടനകൾ സന്നദ്ധത അറിയിച്ചിട്ടുണ്ടെന്നും തഹസിൽദാർ വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story