Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightനിരത്തിലിറങ്ങി...

നിരത്തിലിറങ്ങി കെ.എസ്​.ആർ.ടി.സി

text_fields
bookmark_border
കണ്ണൂർ: ലോക്ഡൗണിനെ തുടർന്ന് സർവിസ് നിർത്തിവെച്ച കെ.എസ്.ആർ.ടി.സി ജില്ലയിൽ ഭാഗികമായി പുനരാരംഭിച്ചു. സർക്കാർ തീരുമാനത്തിൻെറ ഭാഗമായി ബുധനാഴ്ചയാണ് സർവിസ് പുനരാരംഭിച്ചത്. ജില്ലയിൽ 42 ബസുകളാണ് മൂന്നു ഡിപ്പോകളിൽ നിന്നായി ബുധനാഴ്ച സർവിസ് നടത്തിയത്. കണ്ണൂർ ഡിപ്പോയിലെ 11ഉം തലശ്ശേരിയിൽ നിന്ന് 10ഉം പയ്യന്നൂർ ഡിപ്പോയിൽനിന്ന് 21ഉം സർവിസുകളാണ് ബുധനാഴ്ച നടത്തിയത്. കണ്ണൂരിൽ നിന്ന് ഇരിട്ടി, തലശ്ശേരി, പയ്യന്നൂർ, കുടിയാന്മല ഭാഗങ്ങളിലേക്കും തലശ്ശേരിയിൽ നിന്ന് ഇരിട്ടി, കണ്ണൂർ, പാനൂർ, കൊട്ടിയൂർ ഭാഗങ്ങളിലേക്കുമാണ് സർവിസ് നടത്തിയത്. കണ്ണൂർ, ചെറുപുഴ റൂട്ടുകളിലാണ് പയ്യന്നൂർ ഡിപ്പോകളിൽ നിന്നുള്ള ബസുകൾ സർവിസ് നടത്തിയത്. കണ്ണൂർ–ഇരിട്ടി റൂട്ടിൽ ഒരു സ്വകാര്യ ബസും ബുധനാഴ്ച സർവിസ് നടത്തി. പൊതുവേ ബസുകളിൽ യാത്രക്കാർ കുറവായിരുന്നു. പുതുക്കിയ ചാർജാണ് യാത്രക്കാരിൽ നിന്ന് ഈടാക്കിയത്. വ്യാഴാഴ്ച കണ്ണൂർ ഡിപ്പോയിൽനിന്ന് 30 സർവിസുകൾ നടത്തുമെന്ന് ഡിപ്പോ അധികൃതർ വ്യക്തമാക്കി.
Show Full Article
TAGS:LOCAL NEWS 
Next Story