ഇതര സംസ്ഥാനങ്ങളിൽ നിന്ന് 27 പേർ അഴിയൂരിലെത്തി

മാഹി: അന്തർ സംസ്ഥാനങ്ങളിൽനിന്ന് അഴിയൂരിലെത്തിയ 27 പേരിൽ നാലു പേരെ കോറോണ കെയർ സൻെററിലും മറ്റുള്ളവരെ വീടുകളിലും നീരീക്ഷണത്തിലാക്കി. തമിഴ്നാട്, മഹാരാഷ്ട്ര, കർണാടക, തെലങ്കാന, പുതുച്ചേരി എന്നീ സംസ്ഥാനങ്ങളിൽനിന്നാണ് ഇവർ എത്തിയത്. വാളയാർ, ആര്യങ്കാവ്, മഞ്ചേശ്വരം, മുത്തങ്ങ ചെക്പോസ്റ്റുകളിലൂടെയാണ് അഴിയൂരിൽ എത്തിയത്. 299 പേർ പഞ്ചായത്തിലേക്ക് വരാൻ രജിസ്റ്റർ ചെയ്തിട്ടുണ്ട്. 251 പേരുടെയും വിവരങ്ങൾ പരിശോധിച്ചതിനെ തുടർന്ന് വീടുകളിൽ താമസിക്കാൻ സൗകര്യമുണ്ട് എന്ന് ഉറപ്പ് വരുത്തി പാസ് നൽകാൻ ജില്ല കലക്ടർക്ക് റിപ്പോർട്ട് നൽകിയിരുന്നു.