ദുരിതാശ്വാസ നിധിയിലേക്ക് 65 ലക്ഷം രൂപ നല്‍കി

കണ്ണൂർ: ധര്‍മടം മണ്ഡലത്തിലെ ഏഴു പഞ്ചായത്തുകള്‍ ചേര്‍ന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് 65 ലക്ഷം രൂപ നൽകി. വേങ്ങാട്, പിണറായി, ധര്‍മടം, പെരളശ്ശേരി, ചെമ്പിലോട്, അഞ്ചരക്കണ്ടി എന്നീ ഗ്രാമപഞ്ചായത്തുകള്‍ 10 ലക്ഷം രൂപ വീതവും കടമ്പൂര്‍ ഗ്രാമപഞ്ചായത്ത് അഞ്ചുലക്ഷം രൂപയുമാണ് ദുരിതാശ്വാസ നിധിയിലേക്ക് സംഭാവന ചെയ്തത്. തനത് ഫണ്ടില്‍നിന്നുള്ള തുകയാണ് പഞ്ചായത്തുകള്‍ കൈമാറിയത്. ബാങ്ക്, ട്രഷറി വഴിയാണ് തുക ദുരിതാശ്വാസ നിധിയിലേക്ക് നല്‍കിയത്.