മാഹിയിൽ ഭക്ഷണകിറ്റുകൾ ഇന്നു മുതൽ

മാഹിയിൽ ഭക്ഷണക്കിറ്റുകൾ ഇന്നു മുതൽ മാഹി: കോവിഡ്-19 കാരണം പ്രയാസത്തിലായവർക്ക് ഭക്ഷണസാധനങ്ങൾ അടങ്ങിയ കിറ്റ് വിതരണം ഡോ. വി. രാമചന്ദ്രൻ എം.എൽ.എയുടെ ആഭിമുഖ്യത്തിൽ ചൊവ്വാഴ്ച ആരംഭിക്കും. സർക്കാർ ആനുകൂല്യങ്ങൾ വൈകുന്ന പശ്ചാത്തലത്തിലാണ് ഈ സഹായം നൽകുന്നത്. മാഹിയിൽ പ്രവർത്തിച്ചുവരുന്ന ജീവകാരുണ്യ, സാമൂഹിക സംഘടനകളും ഉദാരമതികളായ വ്യക്തികളുമാണ് ഈ ജനകീയ സംരംഭത്തെ സാമ്പത്തികമായി സഹായിക്കുന്നത്. സാമ്പത്തികമായി പിന്നാക്കംനിൽക്കുന്ന നിത്യതൊഴിലിൽ ഏർപ്പെട്ടിരിക്കുന്ന 1500ഓളം കുടുംബങ്ങൾക്കാണ് ആദ്യ ഘട്ടത്തിൽ കിറ്റ് വിതരണം ചെയ്യുന്നത്. സർക്കാർ മേൽനോട്ടത്തിൽ സന്നദ്ധസേവകരുടെ സഹായത്തിലാണ് വിതരണം നടക്കുക.