ഇതര സംസ്ഥാന തൊഴിലാളികളുടെ വാടക ഒഴിവാക്കി യുവാവ്

പയ്യന്നൂർ: അതിഥി തൊഴിലാളികളുടെ കെട്ടിട വാടക ഒഴിവാക്കി യുവാവ് മാതൃകയായി. എട്ടിക്കുളത്തെ എൻ.പി. മുഹമ്മദാണ് തൻെറ ഉടമസ്ഥതയിലുള്ള, എട്ടിക്കുളം ടൗണിനോട്‌ ചേർന്ന സൈനബാ ബിൽഡിങ്ങിൽ താമസിക്കുന്ന അതിഥി തൊഴിലാളികൾക്ക് കോവിഡ് –19 കാരണം പണിയില്ലാത്ത അവസ്ഥ കണക്കിലെടുത്ത് വാടക ഒഴിവാക്കിയത്. പത്തോളം മുറിയുടെ വാടകയാണ് വേണ്ടെന്നുവെച്ചത്. അവർക്ക് വേണ്ട ഭക്ഷണം എത്തിക്കാനുള്ള നടപടിയും കെട്ടിട ഉടമ സ്വീകരിച്ചു. നാട്ടിലെ ജീവകാരുണ്യ പ്രവർത്തനത്തിലും മുൻപന്തിയിൽ ഉണ്ടാകുന്ന മുഹമ്മദി‍ൻെറ സദ്പ്രവൃത്തിയെ നാട്ടുകാർ അഭിനന്ദിച്ചു.