200ലധികം പേർക്ക് സൗജന്യ ഭക്ഷണമൊരുക്കി മാടായി കമ്യൂണിറ്റി കിച്ചൻ

200ലധികം പേർക്ക് സൗജന്യ ഭക്ഷണമൊരുക്കി മാടായി സമൂഹ അടുക്കള പഴയങ്ങാടി: ദിനേന 200ൽപരം ആളുകൾക്ക് ഭക്ഷണം നൽകി കർമനിരത മാവുകയാണ് മാടായി ഗ്രാമപഞ്ചായത്ത് കമ്യൂണിറ്റി കിച്ചൻ. മാടായി ഗ്രാമപഞ്ചായത്ത് പ്രസിഡൻറ് എ. സുഹ്റാബിയും പഞ്ചായത്ത് അംഗങ്ങളും വിവിധ രാഷ്ട്രീയ, സന്നദ്ധ പ്രവർത്തകരുടെയും പുർണ സഹകരണത്തോടെയാണ് സേവനം. 20 രൂപ ഒരു പൊതിച്ചോറിന് വാങ്ങാവുന്നതാണെങ്കിലും സൗജന്യമായാണ് മാടായി പഞ്ചായത്ത് ഇവിടെ ഭക്ഷണം നൽകുന്നത്. ഭക്ഷണം തയാറാക്കുന്നതിനുവേണ്ടി പഞ്ചായത്ത് പ്രസിഡൻറ് എ. സുഹറാബിയുടെ നേതൃത്വത്തിൽ സ്റ്റാൻഡിങ് കമ്മിറ്റി ചെയർമാന്മാരായ ഒടിയിൽ റഷീദ, കെ. ഡെയിസി, ആയിഷ ഉമ്മലിൽ, മെംബർമാരായ ഇ.സി.പി. നൗഷാദ്, കെ. ലത, ബ്ലോക്ക് പഞ്ചായത്ത്‌ മെംബർ സി.എച്ച്. സൗദ, കുടുംബശ്രീ അംഗങ്ങളായ സി.ഡി.എസ് ചെയർപേഴ്സൻ സീന, രജിത, ബിന്ദു, ഷീജ, ഓമന എന്നിവരാണ് ഭക്ഷണം പാകംചെയ്യുന്നത്. സുരക്ഷ സംവിധാനങ്ങൾ ധരിച്ച് സാമൂഹിക അകലംപാലിക്കുന്ന കൂട്ടായ്മയിലൂടെയാണ് കിച്ചൻ യാഥാർഥ്യമാകുന്നത്.