സൗജന്യ ഭക്ഷണമൊരുക്കി സമൂഹ അടുക്കള ആരംഭിച്ചു

കൊടുവള്ളി: കൊടുവള്ളി നഗരസഭയിൽ കോവിഡ് 19 ലോക്ഡൗൺ മൂലം ഭക്ഷണം കിട്ടാതെ പ്രയാസം അനുഭവിക്കുന്ന മുഴുവൻ പേർക്കും സൗജ ന്യമായി ഭക്ഷണമൊരുക്കി കൊടുവള്ളി നഗരസഭ. കൊടുവള്ളി ഗവ. ഹയർ സെക്കൻഡറി സ്കൂളിലാണ് നഗരസഭയുടെ കിച്ചൺ ആരംഭിച്ചത്. കേരള സ്റ്റേറ്റ് കുക്കിങ് വർക്കേഴ്സ് യൂനിയൻ കൊടുവള്ളി മണ്ഡലം കമ്മിറ്റിയാണ് സൗജന്യമായി ഭക്ഷണം പാകം ചെയ്യുന്നത്. പൊതുജനങ്ങളുടെ സഹായത്തോടെയാണ് ഭക്ഷണം നൽകുന്നത്. വിവിധ ഡിവിഷനുകളിൽ ഭക്ഷണം കിട്ടാതെ മുഴുവൻ പേർക്കും ഭക്ഷണം വിതരണം ചെയ്യുന്നുണ്ട്. പരിപാടികൾക്ക് ചെയർപേഴ്സൻ ശരീഫ കണ്ണാടിപ്പൊയിൽ, െഡപ്യൂട്ടി ചെയർപേഴ്സൻ എ.പി. മജീദ്, കെ. ബാബു, വെള്ളറ അബ്ദു, ടി.പി. നാസർ, കെ. ശിവദാസൻ, വിമല ഹരിദാസൻ, യു.വി. ഷാഹിദ്, പി. അനീസ് എന്നിവർ നേതൃത്വം നൽകി. ഭക്ഷണം ആവശ്യമുള്ള മുഴുവൻ പേരും അതത് കൗൺസിലർമാരുമായി ബന്ധപ്പെടണമെന്ന് ഡെപ്യൂട്ടി ചെയർപേഴ്സൻ എ.പി മജീദ് അറിയിച്ചു.