പൗരത്വനിയമം: സമന്വയയുടെ പ്രതിഷേധം

നന്തിബസാർ: ഭരണഘടന സംരക്ഷിക്കുക, പൗരത്വ ഭേദഗതിബിൽ പിൻവലിക്കുക തുടങ്ങിയ മുദ്രാവാക്യങ്ങൾ മുഴക്കി ഇരുപതാം െെമൽ സമന്വയുടെ നേതൃത്വത്തിൽ നടന്ന പ്രതിഷേധ പ്രകടനം പാലൂർപള്ളി, ആമ്പിച്ചിക്കാട്‌ തുടങ്ങിയ സ്ഥലങ്ങൾചുറ്റി തേമൻന്തോടു വയലിൽ സമാപിച്ചു. വാർഡ്‌ മെംബർ കെ. ജീവാനന്ദൻ അധ്യക്ഷതവഹിച്ചു. സിനിമ, സീരിയൽ നടൻ മുഹമ്മദ്‌ പേരാമ്പ്ര ഉദ്ഘാടനം ചെയ്തു. സിനിമ പ്രവർത്തകൻ എസ്.ആർ. ഖാൻ പ്രതിജ്ഞ ചൊല്ലിക്കൊടുത്തു. കുഞ്ഞബ്ദുല്ല തിക്കോടി, കെ. ജീവാനന്ദൻ, ഇസ്മായിൽ ഇൻഷ, തഖ്‌വ മൊയ്തുഹാജി, തണ്ടോറ ഹംസ, സനൽകുമാർ എന്നിവർ നേതൃത്വം നൽകി.