കൊയിലാണ്ടി ശ്രദ്ധയിൽ പെയിൻറിങ്​ പ്രദർശനം

കൊയിലാണ്ടി: ചിത്രകാരൻ സുരേഷ് കൂത്തുപറമ്പിൻെറ ചിത്രങ്ങൾ ശ്രദ്ധ ആർട്ട് ഗാലറിയിൽ പ്രദർശിപ്പിക്കും. ഡിസംബർ മൂന്നു മുതൽ എട്ടുവരെ നീളും. സാഹിത്യകാരൻ യു.കെ. കുമാരൻ ചൊവ്വാഴ്ച വൈകീട്ട് അഞ്ചിന് ഉദ്ഘാടനം ചെയ്യും. കാലത്ത് 11 മുതൽ വൈകീട്ട് ഏഴുവരെ പൊതുജനങ്ങൾക്ക് പ്രദർശനം കാണാം. ചർച്ചകൾ, സെമിനാറുകൾ, സിനിമ പ്രദർശനം എന്നിവയും പ്രദർശനത്തോടനുബന്ധിച്ച് നടക്കുമെന്ന് എൻ.വി. ബാലകൃഷ്ണൻ, സായിപ്രസാദ്, സുരേഷ് കൂത്തുപറമ്പ് എന്നിവർ വാർത്തസമ്മേളനത്തിൽ അറിയിച്ചു.