വില്ലേജ് ഒാഫിസ് ധർണ നടത്തി

കക്കോടി: ദുരിതാശ്വാസ സഹായധനം വിതരണം ചെയ്യാത്തതിൽ പ്രതിഷേധിച്ച് വില്ലേജ് ഓഫിസ് ധർണ നടത്തി. പ്രളയത്തിൽ ദുരിതമനുഭവിച്ച കക്കോടി പഞ്ചായത്തിലെ കുടുംബങ്ങൾക്ക് നൽകേണ്ട 10,000 രൂപ നൽകാത്ത സർക്കാർ നടപടിയിൽ പ്രതിഷേധിച്ചാണ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ധർണ നടത്തിയത്. ഡി.സി.സി പ്രസിഡൻറ് അഡ്വ. ടി. സിദ്ദീഖ് ഉദ്ഘാടനം ചെയ്തു. മണ്ഡലം പ്രസിഡൻറ് അറോട്ടിൽ കിഷോർ അധ്യക്ഷത വഹിച്ചു. ഡി.സി.സി ജനറൽ സെക്രട്ടറി നിജേഷ് അരവിന്ദ്, കെ.പി.സി.സി നിർവാഹക സമിതി അംഗം യു.വി. ദിനേശ്മണി, കെ.എസ്.യു ജില്ല ജനറൽ സെക്രട്ടറി സനൂജ് കുരുവട്ടൂർ, വാർഡ് മെംബർ ഇ.എം. ഗിരീഷ്കുമാർ, ബ്ലോക്ക് പ്രസിഡൻറ് കെ.ടി. ശ്രീനിവാസൻ, അഡ്വ. സുഗതൻ, സുധീഷ് പാറക്കൽ, സുഷമ, സജീവൻ കക്കടവത്ത്, സോമനാഥൻ, കെ. ജയകൃഷ്ണൻ മാസ്റ്റർ, എൻ.പി. ബിജേഷ് തുടങ്ങിയവർ സംസാരിച്ചു.