എയ്​ഡ്സ് ദിനാചരണം

ഫറോക്ക്: എയ്ഡ്സ് ദിനാചരണത്തോടനുബന്ധിച്ച് ഫറോക്ക് നഗരസഭയും താലൂക്ക് ആശുപത്രിയും സംയുക്തമായി റെഡ് ക്രസൻറ് ഹോസ്പിറ്റൽ നഴ്സിങ് കോളജിൻെറ സഹകരണത്തോടെ എയ്ഡ്സ് ബോധവത്ക്കരണ സന്ദേശ റാലി നടത്തി. ഫറോക്ക് റയിൽേവ സ്റ്റേഷൻ പരിസരത്ത് നിന്ന് ബഹുജന പങ്കാളിത്തത്തോടെ ആരംഭിച്ച റാലി നഗരസഭ ചെയർപേഴ്സൻ കമറുല്ലൈല ഫ്ലാഗ്ഓഫ് ചെയ്തു. നഗരസഭ പരിസരത്ത് നടന്ന സമാപന യോഗത്തിൽ നഗരസഭ ഉപാധ്യക്ഷൻ കെ. മൊയ്തീൻകോയ അധ്യക്ഷത വഹിച്ചു. ഫറോക്ക് താലൂക്ക് ആശുപത്രി സൂപ്രണ്ട് ഡോ. ലാലു ജോൺസ് എയ്ഡ്സ് ദിന സന്ദേശം നൽകി. പി. ആസിഫ്, കൗൺസിലർമാരായ കെ.ടി. അബദുൽ മജിദ്, വി. മുഹമ്മദ് ഹസ്സൻ, പ്രകാശ് കറുത്തേടത്ത്, പി. ബിജു, സി.വി ഷീബ, ഷിബ പി. റിസോഴ്സ് പേഴ്സൻ കെ. ചന്ദ്രൻ, ആരോഗ്യ പ്രവർത്തകരായ എം. ഭാവന, രഘുനാഥൻ, പി. സിജു, ടി.പി. മുഹമ്മദ് എന്നിവർ സംസാരിച്ചു. ഹെൽത്ത് ഇൻസ്പെക്ടർ കെ. മുസ്തഫ സ്വാഗതവും നഗരസഭ ജൂനിയർ ഹെൽത്ത് ഇൻസ്പെക്ടർ സി. സജീഷ് നന്ദിയും പറഞ്ഞു.