അനുസ്​മരണവും പുരസ്​കാര സമർപ്പണവും

ചേളന്നൂർ: ചിത്രകാരനും ശിൽപിയും കലാസംവിധായകനുമായിരുന്ന കെ.ജി. ഹർഷൻെറ നാലാമത് ഓർമദിനം ഉദ്ഘാടനവും പുരസ്കാര വിതര ണവും ആർട്ടിസ്റ്റ് മദനൻ ചിത്രകാരൻ പോൾ കല്ലാനോടിന് പുരസ്കാര വിതരണം നടത്തി നിർവഹിച്ചു. കലാമണ്ഡലം സത്യവ്രതൻ അധ്യക്ഷതവഹിച്ചു. കാർട്ടൂണിസ്റ്റ് കരുണാകരൻ പേരാമ്പ്ര കെ.ജി. അനുസ്മരണ പ്രഭാഷണം നടത്തി. പ്രദീപ്കുമാർ സായി ജ്യോതി, രമേശ് കാവിൽ, ഉഷ ചന്ദ്രബാബു, രാജഗോപാൽ ഇരുവള്ളൂർ, വസന്താ റാണി പാലങ്ങാട്, അജിതാ നമ്പ്യാർ എന്നിവരെ ആദരിച്ചു. ക്വിസ് മത്സര വിജയികൾക്ക് പഞ്ചായത്ത് വികസനകാര്യ ചെയർപേഴ്സൺ സി. മിനി, വാർഡ് അംഗം വി. ജിതേന്ദ്രനാഥ് എന്നിവർ നിർവഹിച്ചു. കെ.ജി. ഹർഷൻ അനുസ്മരണ സമിതി കൺവീനർ ഇ. രാഗേഷ് സ്വാഗതവും ഇ. ധർമരാജ് നന്ദിയും പറഞ്ഞു. സ്മൃതി നടനം, ഒരുകിണ്ടി കഥ നാടകം, നാടകഗാനാലാപനം തുടങ്ങി കലാപരിപാടികളും നടന്നു.