അനുമോദിച്ചു

ചേമഞ്ചേരി: 2017-18 വർഷത്തെ സംസ്ഥാനത്തെ മികച്ച മൂന്നാമത്തെ പഞ്ചായത്തിനുള്ള സ്വരാജ് ട്രോഫി നേടിയ ചേമഞ്ചേരി പഞ്ചായത്തിനെ പൗരാവലി അനുമോദിച്ചു. ജില്ല പഞ്ചായത്ത് പ്രസിഡൻറ് ബാബു പറശ്ശേരി ഉദ്ഘാടനം ചെയ്തു. പന്തലായനി ബ്ലോക്ക് പഞ്ചായത്ത് പ്രസിഡൻറ് കെ.എം. ശോഭ അധ്യക്ഷത വഹിച്ചു. പൗരാവലിയുടെ ഉപഹാരം ബാബു പറശ്ശേരിയിൽനിന്ന് പ്രസിഡൻറ് അശോകൻ കോട്ട്, സ്റ്റാൻഡിങ് കമ്മിറ്റി ചെയർമാൻമാരായ ഷീബ വരേക്കൽ, ഇ. അനിൽകുമാർ, പി.പി. ശ്രീജ, ഉണ്ണി തിയ്യക്കണ്ടി, സെക്രട്ടറി പി. ജയരാജൻ എന്നിവർ ചേർന്ന് ഏറ്റുവാങ്ങി. മികച്ച മൂന്നാമത്തെ സെക്രട്ടറിയായി തെരഞ്ഞെടുത്ത പി. ജയരാജനും പന്തലായനി ബ്ലോക്കിലെ മികച്ച ഹോം ഷോപ് സി.ഡി.എസ് ആയി തെരഞ്ഞെടുത്ത ചേമഞ്ചേരി കുടുംബശ്രീ സി.ഡി.എസിനും ജില്ല പഞ്ചായത്ത് പ്രസിഡൻറ് ഉപഹാരങ്ങൾ നൽകി. ജില്ല പഞ്ചായത്തംഗം ശാലിനി ബാലകൃഷ്ണൻ, ബ്ലോക്ക് പഞ്ചായത്തംഗങ്ങളായ വിജയൻ കണ്ണഞ്ചേരി, വി.വി. മോഹനൻ, പി.ടി. നാരായണി, സുഹറ മെഹ്ബൂബ്, രാഷ്ട്രീയ പാർട്ടി പ്രധിനിധികളായ കെ.കെ ഫാറൂഖ്, എൻ.പി. മൊയ്തീൻ കോയ, പി. ബാബുരാജ്, ടി.പി.എ. ഖാദർ, അവിണേരി ശങ്കരൻ, പി. ശൈലജ എന്നിവർ സംസാരിച്ചു. എൻ.കെ.കെ. മാരാർ സ്വാഗതവും സി. ശശിധരൻ നന്ദിയും പറഞ്ഞു.