തെങ്ങുകയറ്റയന്ത്ര വിതരണം

ഓമശ്ശേരി: മഹിള കിസാൻ ശാക്തീകരണ പരിയോജന പദ്ധതിപ്രകാരം പഞ്ചായത്തിലെ വനിത തെങ്ങുകയറ്റ തൊഴിലാളികൾക്കുള്ള തെങ്ങുകയറ്റയന്ത്ര വിതരണ ഉദ്ഘാടനം പഞ്ചായത്ത് പ്രസിഡൻറ് കെ.ടി. സക്കീന നിർവഹിച്ചു. പരിശീലനം നേടിയ അഞ്ചു പേർക്കാണ് വിതരണം ചെയ്തത്. വൈസ് പ്രസിഡൻറ് പി.വി. അബ്ദുറഹ്മാൻ അധ്യക്ഷത വഹിച്ചു. മെംബർമാരായ സി.കെ. ഖദീജ മുഹമ്മദ്, ഗ്രേസി നെല്ലിക്കുന്നേൽ, ഫാത്തിമ വടക്കിനിക്കണ്ടി, അജിതകുമാരി, കെ.കെ. രാധാകൃഷ്ണൻ, കെ.പി. കുഞ്ഞമ്മദ്, റഫീനത്തുല്ല ഖാൻ, ഷൈനി ബാബു, വസന്ത രാജേന്ദ്രൻ, ഗിരിജ സുമോദ്, പി.കെ. കുഞ്ഞിമൊയ്തീൻ ഹാജി തുടങ്ങിയവർ സംസാരിച്ചു.