പിലാശ്ശേരി-താമരശ്ശേരി റോഡ്​: കോൺഗ്രസ്​ പ്രക്ഷോഭത്തിന്

കൊടുവള്ളി: വര്യട്യാക്കിൽ പിലാശ്ശേരി-താമരശ്ശേരി റോഡ് നവീകരണം ഇഴഞ്ഞുനീങ്ങുന്നതിൽ പ്രതിഷേധിച്ച് കോൺഗ്രസ് മണ് ഡലം കമ്മിറ്റി സായാഹ്ന ധർണ നടത്തും. ദേശീയപാതയിൽ വെള്ളപ്പൊക്ക ഭീഷണി നേരിടുന്ന ഭാഗങ്ങളിൽ റോഡ് ഉയർത്തി ഗതാഗത തടസ്സം ഒഴിവാക്കുക എന്ന ആവശ്യവും ഉന്നയിച്ചു. മുതിർന്ന കോൺഗ്രസ് നേതാവ് ടി.പി.സി. മുഹമ്മദ് മാസ്റ്ററുടെ നിര്യാണത്തിൽ മണ്ഡലം കോൺഗ്രസ് കമ്മിറ്റി അനുശോചിച്ചു. വെള്ളിയാഴ്ച കരുവൻപൊയിലിൽ ടി.പി.സി. അനുസ്മരണ സമ്മേളനം നടത്തും. മണ്ഡലം കോൺഗ്രസ് പ്രസിഡൻറ് സി.എം. ഗോപാലൻ അധ്യക്ഷത വഹിച്ചു. പി.പി. അബ്ദുറഹ്മാൻകുട്ടി, ടി.കെ.പി. അബൂബക്കർ, പി.ആർ. മഹേഷ്, പി.സി. ജമാൽ, ഗഫൂർ പുത്തൻപുരയിൽ, കോതൂർ ബാബു, വി.കെ. കാസിം, എൻ. പ്രദീപൻ, എം. രവീന്ദ്രൻ, പി.സി. ഫിജാസ് തുടങ്ങിയവർ സംസാരിച്ചു.