വിദ്യാർഥികൾ പീസ് വില്ലേജ് സന്ദർശിച്ചു

ഓമശ്ശേരി: വാദിഹുദ ഇംഗ്ലീഷ് സ്കൂൾ വിദ്യാർഥികളും വയനാട് ഗവ. എൻജിനീയറിങ് കോളജ് വിദ്യാർഥി കൂട്ടായ്മ 'കർമ'യുടെ പ്രവർത്തകരും സംയുക്തമായി പീസ് വില്ലേജ് സന്ദർശിച്ചു. വയനാട് ജില്ലയിലെ പിണങ്ങോട് സ്ഥിതിചെയ്യുന്ന ഈ സ്ഥാപനം ആരോരുമില്ലാത്ത എഴുപതോളം അന്തേവാസികളുടെ അഭയകേന്ദ്രമാണിപ്പോൾ. ഷമീം പാറക്കണ്ടി അധ്യക്ഷത വഹിച്ചു. പ്രിൻസിപ്പൽ സുൽഫിക്കർ അമ്പലക്കണ്ടി, അമീൻ, സുഹൈൽ സുഗു, സഹല ഷെറിൻ, എ.കെ. ഷാമിൽ, യു.പി. സഫിയ, എം. രഞ്ജിനി, കെ.സി. ശാദുലി, പി.സി. അസീസ് എന്നിവർ സംസാരിച്ചു.